జనసేనలోకి భారీగా చేరికలు

జనసేనలోకి రోజురోజుకు పెరుగుతున్న వలసలు

నెల్లూరు జిల్లా, కావలి: కావలి రూరల్ జనసేన నాయకుడు సోమయ్య గారి పరుశురాం ఆధ్వర్యంలో, సుకుమార్ రెడ్డి గారి సమక్షంలో వైసీపీకి చెందిన 35 మందికి పైగా యువత, కొత్త సత్తం వైసీపీ సీనియర్ నాయకులు స్వామి శెట్టి, లక్ష్మీనారాయణ, పలువురు వైసీపీ కార్యకర్తలు జనసేన పార్టీలో చేరారు. జనసేన పార్టీ నాయకులు శ్రీ మన్నెమాల సుకుమార్ రెడ్డి గారు చేరిన వారికి పార్టీ కండువాలు కప్పి, పార్టీలోకి సాదరంగా ఆహ్వానించారు.  ఈ సందర్భంగా కావలి పట్టణంలోని 4వ వార్డుకు చెందిన వైసీపీ నాయకురాలు పాలంకి సరిత, 10వ వార్డుకు చెందిన జాలాది రాజేంద్రగుప్తా, పి. రమాదేవి తదితరులు జనసేన తీర్థం పుచ్చుకున్నారు. అనంతరం జనసేన సీనియర్ నాయకులు సన్నం వెంకటసుబ్బయ్య గారు మాట్లాడుతూ.. ఆంధ్రప్రదేశ్ ఉప ముఖ్యమంత్రి, జనసేన అధినేత శ్రీ కొణిదల పవన్ కళ్యాణ్ గారి సుపరిపాలన, అలాగే జనసేన నాయకుడు మన్నెమాల సుకుమార్ రెడ్డి గారి నాయకత్వం నచ్చి జనసేనలోకి వైసీపీ నుంచి భారీగా వలసలు పెరుగుతున్నాయని అన్నారు. కావలి వైసీపీ ఇన్‌చార్జ్ ప్రతాప్ కుమార్ రెడ్డి వైఖరి, నాయకత్వం నచ్చకపోవడం వల్లే ఆ పార్టీని వదిలిపెట్టి జనసేనలోకి భారీగా వస్తున్నారని వెంకటసుబ్బయ్య స్పష్టం చేశారు.  రాష్ట్రంలో రోజురోజుకూ కావలి ప్రాంతంలో జనసేన పార్టీ బలోపేతానికి, సుకుమార్ రెడ్డి గారి నాయకత్వానికి అండగా వైసీపీ నుంచి భారీ చేరికలు పెరుగుతున్నాయి.