హైదరాబాద్ సిటీ బ్యూరో, మేజర్ న్యూస్ (అక్టోబర్ 15): ప్రజల సమస్యలకు అధికారులు త్వరితగతిన పరిష్కారం చూపాలని మాజీ మంత్రి, ఖైరతాబాద్ ఎమ్మెల్యే దానం నాగేందర్ అన్నారు. మాజీ మంత్రివర్యులు దానం నాగేందర్, ఇంకా హిమాయత్ నగర్ డివిజన్ మాజీ కార్పొరేటర్ మహాలక్ష్మి రామన్ గౌడ్ హిమాయత్ నగర్ డివిజన్ లో ని వాసవి లైన్, మదీన గల్లీ , దస్వాల్ వాడాలో పర్యటించి ప్రజల సమస్యలను తెలుసుకొని వాటికి వెంటనే పరిష్కారం చూపాలని అధికారులను ఆదేశించారు. స్థానిక కాలనీలు, బస్తిలలోని ప్రజల సమస్యలను తెలుసుకుని పరిష్కార మార్గం చూపేందుకు ఆయన అడుగులు వేశారు. ఈ కార్యక్రమంలో కాంగ్రెస్ నాయకులు కార్యకర్తలు మరియు ప్రజలు పెద్దలు పాల్గొని వారి యొక్క అభిప్రాయాన్ని తెలిపారు.
