పందిళ్ల గ్రామంలో ప్రీ-ప్రైమరీ పాఠశాల ప్రారంభం
పందిళ్ల గ్రామంలో ప్రీ-ప్రైమరీ పాఠశాల ప్రారంభం
చిన్నారులకు నాణ్యమైన విద్య అందించాలి: సర్పంచ్ తోడేటి రమేష్
హుస్నాబాద్ : పందిళ్ల గ్రామంలో ప్రీ-ప్రైమరీ పాఠశాలను గ్రామ సర్పంచ్ తోడేటి రమేష్ ప్రారంభించారు. చిన్నారులకు చిన్ననాటి నుంచే విద్యపై ఆసక్తి పెంపొందించేలా ప్రీ-ప్రైమరీ విద్య ఎంతో కీలకమని సర్పంచ్ పేర్కొన్నారు.ఈ సందర్భంగా పాఠశాల సిబ్బంది తాడూరి జాహ్నవి, తాడూరి లక్ష్మీలను సర్పంచ్ అభినందించారు. చిన్నారులకు ప్రేమతో, ఆప్యాయతతో విద్యాబోధన చేస్తూ వారి విద్యాభివృద్ధికి కృషి చేయాలని సూచించారు.పాఠశాలలో చిన్నారులకు అవసరమైన మౌలిక సదుపాయాల కల్పనకు తన వంతు సహకారం అందిస్తానని సర్పంచ్ తోడేటి రమేష్ తెలిపారు. పిల్లలకు సురక్షితమైన, ఆహ్లాదకరమైన వాతావరణంలో విద్య అందేలా పాఠశాల అభివృద్ధికి కృషి చేస్తానన్నారు.ప్రీ-ప్రైమరీ పాఠశాల ప్రారంభంతో గ్రామంలోని చిన్నారులకు విద్యా అవకాశాలు మరింత చేరువయ్యాయని గ్రామస్థులు హర్షం వ్యక్తం చేశారు. ఈ కార్యక్రమంలో ఉప సర్పంచ్ వార్డ్ మెంబర్లు గ్రామ ప్రజలు పాల్గొన్నారు
