రేపు విద్యుత్ సరఫరాకు అంతరాయం

ఆమదాలవలస, సెప్టెంబర్ 28, మేజర్ న్యూస్ 
సరుబుజ్జిలి మండల విద్యుత్ సబ్ స్టేషన్ పరిధిలో 33 కే. వీ లైన్ వర్క్, సబ్ స్టేషన్  మెయింటెనెన్స్ వర్క్, ఆర్ డి ఎస్ ఎస్ పనుల్లో భాగంగా బుధవారం ఉదయం 9 గంటల నుంచి మధ్యాహ్నం 2.30 గంటల వరకు విద్యుత్ సరఫరా అంతరాయం కలుగుతుందని ఎలక్ట్రికల్ ఎగ్జిక్యూటివ్ ఇంజనీర్ పైడి యోగేశ్వరరావు ప్రకటనలో  తెలిపారు. దీనివలన  11కే.వీ ఫీడర్ల పరిధిలో ఉన్న అన్ని గ్రామాలకు విద్యుత్ సరఫరా నిలుపుదల చేస్తున్నట్లు చెప్పారు. ఫీడర్ల పరిధిలో ఉన్న సరుబుజ్జిలి, షలంత్రి, కొత్తకోట, రొట్ట వలస, రావివలస, వెంకటాపురం, పాలవలస, పురుషోత్తపురం, అల్మాజీపేట, కాగితాపల్లి, కూన జమ్మన్నపేట, యరగాం, తెలికిపెంట, సుబ్బపేట, మూల సవలాపురం, బప్పడం, మతలబుపేట గ్రామాలకు విద్యుత్ సరఫరా అంతరాయం ఉంటుందన్నారు. 
వినియోగదారులు ఈ సమస్యను గుర్తించి సహకరించాలని సూచించారు.