పేదల ఇంట పండుగ వాతావరణం వెల్జాల్ లో కొత్త రేషన్ కార్డుల పంపిణీ

*ఘనంగా ప్రారంభించిన సర్పంచ్ వాన రాశి రాములమ్మ*

*ఏళ్ల కల నెరవేరడంతో లబ్ధిదారుల హర్షాతిరేకలు*

తలకొండపల్లి, రంగారెడ్డి : మండల పరిధిలోని వెల్జాల్ గ్రామంలో నూతన రేషన్ (స్మార్ట్) కార్డుల పంపిణీతో గ్రామంలో పండుగ వాతావరణం నెలకొంది. శనివారం గ్రామ పంచాయతీ కార్యాలయంలో నిర్వహించిన ప్రత్యేక కార్యక్రమంలో అర్హులైన పేద కుటుంబాలకు గ్రామ సర్పంచ్ వానరాశి రాములమ్మ, మార్కెట్ కమిటీ డైరెక్టర్ చర్ల వెంకట్ రెడ్డి, సి ఎల్ శ్రీనివాస్ యాదవ్, ఉప సర్పంచ్ శివ విజయలక్ష్మి విజయ్ కుమార్, సంయుక్తంగా నూతన స్మార్ట్ కార్డులను అందజేశారు. ఏళ్ల తరబడి కొత్త రేషన్ కార్డుల కోసం ఎదురుచూస్తున్న ఎంతోమంది పేద కుటుంబాల నిరీక్షణ నేటితో ఫలించింది. తమ చేతికి నూతన స్మార్ట్ కార్డులు అందడంతో 1215 మంది లబ్ధిదారుల ముఖాలలో   ఆనందం వెల్లువెత్తింది. ప్రభుత్వం తమ సంక్షేమ ప్రయాణానికి బాటలు వేసిందంటూ లబ్ధిదారులు సంతోషం వ్యక్తం చేశారు. ఈ కార్యక్రమంలో నాయకులు పి.అశోక్ బాబు, అజీజ్, వానరాశి వెంకటేష్, ఏ నరేందర్ గౌడ్, ఆరిఫ్, గట్టు రాఘవేందర్ గౌడ్, అబ్బాస్, పెంటయ్య గౌడ్, ఏ జగదీశ్వర్ రెడ్డి, గడ్డం విజయ్ కుమార్ యాదవ్, గ్రామ పంచాయతీ కార్యదర్శి వాజిద్, స్థానిక ప్రజాప్రతినిధులు, వార్డు సభ్యులు, ఆశ వర్కర్ లు, బుక్ కిపర్లు, నాయకులు, గ్రామ ప్రజలు తదితరులు  పాల్గొన్నారు.

- చప్పిడి తిరుపతి, మేజర్ న్యూస్.