నుస్తులాపూర్‌లో ఘనంగా బతుకమ్మ సంబరాలు

 సూర్యతిమ్మాపూర్ : తిమ్మాపూర్ మండలం నుస్తులాపూర్‌లో సర్పంచ్ తుమ్మనపల్లి సంధ్య శ్రీనివాస్ రావు ఆధ్వర్యంలో బతుకమ్మ వేడుకలు ఘనంగా నిర్వహించారు. ఈ వేడుకల్లో మానకొండూర్ ఎమ్మెల్యే డా. కవ్వంపల్లి సత్యనారాయణ పాల్గొని మహిళలతో కలిసి బతుకమ్మ సంబరాల్లో సందడి చేశారు. మహిళలు, యువతులు రంగురంగుల పూలతో బతుకమ్మలను పేర్చి, సంప్రదాయ పాటలు పాడుతూ ఆటపాటలతో ఆనందంగా వేడుకలు జరుపుకున్నారు. ఈ సందర్భంగా ఎమ్మెల్యే, సర్పంచ్ గ్రామ ప్రజలకు బతుకమ్మ పండుగ శుభాకాంక్షలు తెలిపారు.