ఎంపీటీసీ, జెడ్పీటీసీ ఎన్నికల నిర్వహణపై అధికారుల సమీక్ష మరియు షెడ్యూల్ విడుదల

వెల్దుర్తి సూర్య ప్రతినిధి మేజర్ న్యూస్:మండలంలోని ఎంపీడీవో కార్యాలయంలో ఎంపీటీసీ మరియు జెడ్పీటీసీ రెండవ సాధారణ ఎన్నికల నిర్వహణపై ప్రత్యేక సమావేశం నిర్వహించారు. ఈ సమావేశంలో ఆర్వో శ్రీదేవి, ఎంపీడీవో చంద్రశేఖర్ రెడ్డి, డిప్యూటీ తాసిల్దార్ గురుస్వామి రెడ్డి, సర్కిల్ సీఐ యుగంధర్, ఎస్సై నరేష్ తదితర అధికారులు పాల్గొన్నారు. ఎన్నికలను ప్రశాంత వాతావరణంలో, ఎలాంటి అవాంఛనీయ సంఘటనలకు తావులేకుండా పకడ్బందీగా నిర్వహించేందుకు తీసుకోవాల్సిన చర్యలపై వీరు చర్చించారు.

ఎన్నికల షెడ్యూల్ వివరాలు:

రాష్ట్ర ఎన్నికల సంఘం విడుదల చేసిన నోటిఫికేషన్ ప్రకారం ఎన్నికల షెడ్యూల్ ఈ క్రింది విధంగా ఉంది:ఎన్నికల నోటీసు జారీ మరియు ఓటర్ల జాబితా ప్రదర్శన: 21.10.2026  నామినేషన్ల స్వీకరణకు ఆఖరు తేదీ: 23.10.2026 (ఉదయం 10.30 గంటల నుండి సాయంత్రం 5.00 గంటల వరకు)  నామినేషన్ల పరిశీలన తేదీ: 24.10.2026  తిరస్కరించబడిన నామినేషన్లపై అప్పీలు (ఆర్డీవో వద్ద): 25.10.2026  అప్పిలేట్ అధికారిచే అప్పీళ్ళ పరిష్కారం: 26.10.2026  అభ్యర్థిత్వముల ఉపసంహరణకు ఆఖరు తేదీ: 27.10.2026  పోటీ చేయు అభ్యర్థుల తుది జాబితా ప్రచురణ: 27.10.2026 (మధ్యాహ్నం 3.00 గంటల తరువాత)  

పోలింగ్ తేదీ: 03.11.2026  రీపోల్ ఏదైనా ఉన్నట్లయితే: 04.11.2026  ఓట్ల లెక్కింపు మరియు ఫలితాల ప్రకటన: 05.11.2026 న ఓట్ల లెక్కింపు నిర్వహించి, ఆ వెంటనే ఫలితాలు వెల్లడించనున్నారు. సూర్య ప్రతినిధి షేక్ దస్తగిరి కర్నూలు జిల్లా వెల్దుర్తి మండలం