జిల్లా కలెక్టర్ దీపక్ తివారికి దసరా శుభాకాంక్షలు తెలిపిన జిల్లా అధికారులు

వికారాబాద్ జిల్లా ప్రతినిధి, మేజర్ న్యూస్: వికారాబాద్ జిల్లా కలెక్టర్ దీపక్ తివారిని సోమవారం జిల్లా అధికారులు కలెక్టరేట్‌లోని ఆయన ఛాంబర్‌లో మర్యాదపూర్వకంగా కలిసి దసరా, విజయదశమి పండుగ శుభాకాంక్షలు తెలిపారు. ఈ సందర్భంగా కలెక్టర్‌కు శుభాకాంక్షలు తెలియజేస్తూ, జిల్లా ప్రజలందరూ సుఖసంతోషాలతో పండుగను జరుపుకోవాలని ఆకాంక్షించారు.ఈ సందర్భంగా జిల్లా కలెక్టర్ దీపక్ తివారి జిల్లా ప్రజలకు, అధికారులకు దసరా శుభాకాంక్షలు తెలిపారు. ప్రజలకు మెరుగైన సేవలు అందించేందుకు అధికారులు సమన్వయంతో పనిచేయాలని, ప్రభుత్వ సంక్షేమ పథకాలను అర్హులైన ప్రజలకు అందేలా కృషి చేయాలని సూచించారు. ప్రజా సంక్షేమానికి ప్రాధాన్యతనిస్తూ విధులను బాధ్యతాయుతంగా నిర్వర్తించాలని పేర్కొన్నారు.ఈ కార్యక్రమంలో డీఆర్‌డీఏ అధికారి శ్రీనివాస్, ఉద్యానవన శాఖ అధికారి సత్తార్, మాధవరెడ్డి, సంబంధిత జిల్లా స్థాయి అధికారులు తదితరులు పాల్గొన్నారు.