ఎంపీటీసీ, జెడ్పీటీసీ ఎన్నికల షెడ్యూల్ విడుదల అక్టోబర్ 21 నుంచి నామినేషన్ల ప్రక్రియ.. నవంబర్ 5న ఓట్ల లెక్కింపు
అమరావతి (రేణిగుంట)మేజర్ న్యూస్ : ఆంధ్రప్రదేశ్‌లో ఎంపీటీసీ, జెడ్పీటీసీ రెండో సాధారణ ఎన్నికలు–2026 నిర్వహణకు సంబంధించి రాష్ట్ర ఎన్నికల కమిషన్ షెడ్యూల్‌ను విడుదల చేసింది. అక్టోబర్ 21 నుంచి ఎన్నికల ప్రక్రియ ప్రారంభం కానుండగా, నవంబర్ 5న ఓట్ల లెక్కింపు చేపట్టనున్నారు.ఎన్నికల షెడ్యూల్ వివరాలు ఇలా ఉన్నాయి: అక్టోబర్ 21: రిటర్నింగ్ అధికారులు ఫారం–II నోటీసులు జారీ చేయడం, నామినేషన్ల స్వీకరణకు సంబంధించిన ప్రక్రియ ప్రారంభం. అక్టోబర్ 23: నామినేషన్ల స్వీకరణకు చివరి తేదీ. అక్టోబర్ 24: నామినేషన్ల పరిశీలన. అక్టోబర్ 25: తిరస్కరించిన నామినేషన్లపై అప్పీళ్ల స్వీకరణ. అక్టోబర్ 26: అప్పీళ్ల పరిష్కారం. అక్టోబర్ 27: అభ్యర్థిత్వాల ఉపసంహరణకు చివరి తేదీ. అదే రోజు పోటీలో ఉన్న అభ్యర్థుల తుది జాబితా ప్రకటిస్తారు. నవంబర్ 3: పోలింగ్. నవంబర్ 4: రీపోలింగ్ అవసరమైతే నిర్వహణ. నవంబర్ 5: ఓట్ల లెక్కింపు, ఫలితాల ప్రకటన.ఎన్నికల నిర్వహణకు సంబంధించి రిటర్నింగ్ అధికారులు, సహాయ రిటర్నింగ్ అధికారులు ఎన్నికల నియమావళిని పాటిస్తూ ప్రక్రియను పూర్తి చేయాలని రాష్ట్ర ఎన్నికల కమిషన్ సూచించింది.
