నందిగామలో దుర్గ మాత కు బోనాలు

..

రామాయంపేట ; నిజాంపేట మండల పరిధిలోని నందిగామ గ్రామంలో శ్రీరామసేన శ్రీ దుర్గామాత ఉత్సవ కమిటీ మొదటి వార్షికోత్సవం సందర్భంగా గురువారం బోనాల కార్యక్రమాన్ని భక్తిశ్రద్ధలతో నిర్వహించారు. ఉత్సవ కమిటీ సభ్యులు డప్పు వాయిద్యాల నడుమ బోనాలను ఊరేగింపుగా తీసుకెళ్లి దుర్గామాతకు సమర్పించారు.ఈ సందర్భంగా ఉత్సవ కమిటీ సభ్యులు మాట్లాడుతూ.. గ్రామంలో శ్రీరామసేన ఆధ్వర్యంలో తొలిసారిగా దుర్గామాతను ప్రతిష్ఠించామని తెలిపారు. అప్పటి నుంచి ప్రతిరోజూ అమ్మవారికి ధూపదీప నైవేద్యాలతో పూజలు నిర్వహిస్తున్నట్లు పేర్కొన్నారు. దుర్గామాత అనుగ్రహం గ్రామ ప్రజలందరిపై ఉండాలని, గ్రామం సుఖసంతోషాలతో, సుభిక్షంగా ఉండాలని ఆకాంక్షించారు.ఈ కార్యక్రమంలో శ్రీరామసేన శ్రీ దుర్గామాత ఉత్సవ కమిటీ సభ్యులు, గ్రామస్తులు, భక్తులు తదితరులు పాల్గొన్నారు.