మెడికల్ మాఫియా పై నియంత్రణ లేదా?

మెడికల్ మాఫియా పై నియంత్రణ లేదా?
– బుస్స వేణు

సూర్య, తంగళ్ళపల్లి: మెడికల్ మాఫియా పై ప్రభుత్వానికి నియంత్రణ లేదా అని రాజన్న సిరిసిల్ల జిల్లా పరిరక్షణ కమిటీ కన్వీనర్ బుస్స వేణు అన్నారు. తంగళ్ళపల్లి మండల కేంద్రంలో గురువారం ఆయన మాట్లాడారు.. జిల్లావ్యాప్తంగా పుట్టగొడుగుల్లా మెడికల్ షాపులు, ఆస్పత్రులు పుట్టుకొస్తున్నాయన్నారు. వీటిలో ఎన్నింటికి అనుమతులు ఉన్నాయన్నారు. ప్రభుత్వ ఆసుపత్రిల్లో పనిచేస్తున్న వైద్యులు, ప్రవేటు ఆసుపత్రిలో కూడా పనిచేస్తున్నారన్నారు. ఇష్టం వచ్చినంత ప్రజల నుంచి మెడిసిన్ రేట్లు, ఆసుపత్రి బిల్లులు వసూలు చేస్తున్నారని మండిపడ్డారు. ఇంత జరుగుతున్నా ప్రభుత్వం, ఉన్నతాధికారులు మొద్దు నిద్ర వీడడం లేదన్నారు. ఇప్పటికైనా ప్రభుత్వం, అధికారులు స్పందించి అక్రమంగా నడుస్తున్న మెడికల్ షాపులు, ప్రైవేటు ఆసుపత్రులపై చర్యలు తీసుకోవాలన్నారు.