telanagana
మేడ్చల్ చెక్‌పోస్ట్‌లో భారీ అగ్నిప్రమాదం
ఫర్నిచర్ షాపులో దగ్ధమైన సామగ్రి.. పక్క షాపులకు వ్యాపించిన మంటలు
మేడ్చల్, మేజర్ న్యూస్, (అక్టోబర్ 4): మేడ్చల్ చెక్‌పోస్ట్ సమీపంలో రోడ్డు పక్కన ఉన్న ఫర్నిచర్ షాపులో ఆదివారం తెల్లవారుజామున భారీ అగ్నిప్రమాదం చోటుచేసుకుంది. ఒక్కసారిగా చెలరేగిన మంటలు పక్కనే ఉన్న ఇతర షాపులకు వ్యాపించడంతో స్థానికుల్లో తీవ్ర ఆందోళన నెలకొంది.ఫర్నిచర్ షాపులోని సామగ్రి పూర్తిగా దగ్ధమైంది. మంటలు పక్క షాపులకు వ్యాపించకుండా స్థానికులు అప్రమత్తమై ఆయా దుకాణాలను ఖాళీ చేయించారు. సమాచారం అందుకున్న అగ్నిమాపక సిబ్బంది హుటాహుటిన ఘటనాస్థలికి చేరుకుని మంటలను అదుపులోకి తీసుకొచ్చేందుకు తీవ్రంగా శ్రమించారు.ఈ ప్రమాదంలో భారీగా ఆస్తినష్టం జరిగినట్లు తెలుస్తోంది. కళ్లముందే దుకాణాలు, సామగ్రి దగ్ధం కావడంతో యజమానులు తీవ్ర మనోవేదనకు గురయ్యారు. అగ్నిప్రమాదానికి గల కారణాలు, జరిగిన నష్టం పూర్తి వివరాలు తెలియాల్సి ఉంది.
రిపోర్టర్ తలారి శివకుమార్.
