చిన్నారుల ఆరోగ్యకరమైన ఎదుగుదలకు పౌష్టికాహారం అవసరం: జమస్తాన్ పల్లి సర్పంచ్ అందుగుల నర్సమ్మ యాదయ్య

చిన్నారుల ఆరోగ్యకరమైన ఎదుగుదలకు పౌష్టికాహారం అవసరం: జమస్తాన్ పల్లి సర్పంచ్ అందుగుల నర్సమ్మ యాదయ్య

మునుగోడు,మేజర్ న్యూస్:

చిన్నారుల ఆరోగ్యకరమైన ఎదుగుదలకు పౌష్టికాహారం ఎంతో అవసరమని జమస్తాన్ పల్లి సర్పంచ్ అందుగుల నర్సమ్మ యాదయ్య అన్నారు.శనివారం
మండలంలోని జమస్తాన్‌పల్లి గ్రామంలోని అంగన్వాడీ కేంద్రంలో  పోషణ మాసం కార్యక్రమాన్ని నిర్వహించారు. ఈ సందర్భంగా ఆమె ముఖ్య అతిథిగా హాజరై చిన్నారులు, గర్భిణీలు, బాలింతలకు పోషకాహారం ప్రాధాన్యతపై అవగాహన కల్పించారు.గర్భిణీలు, బాలింతలు పోషక విలువలున్న ఆహారాన్ని తీసుకోవడంతో పాటు అంగన్వాడీ కేంద్రాల ద్వారా అందిస్తున్న సేవలను సద్వినియోగం చేసుకోవాలని సూచించారు. పిల్లల్లో పోషకాహార లోపాన్ని నివారించేందుకు తల్లిదండ్రులు ప్రత్యేక శ్రద్ధ వహించాలని కోరారు.
ఈ కార్యక్రమంలో గ్రామ పంచాయతీ కార్యదర్శి రాగిణి, ఏఎన్‌ఎం సులోచన, అంగన్వాడీ టీచర్ ఏ. మల్లమ్మ, ఆశా కార్యకర్త ఎన్. లక్ష్మీ తదితరులు పాల్గొన్నారు.