మాయమాటలతో డబ్బులు కాజేసిన దొంగ. మూడు గంటల్లోనే పట్టుకున్న కోహెడ పోలీసులు

కోహెడ ; కోహెడ మండలంలోని నాగసముద్రాల గ్రామంలో గ్యాస్ కనెక్షన్ ఉచితంగా మంజూరైందని నమ్మించి ఓ మహిళను మోసం చేసి నగదు కాజేసిన వ్యక్తిని కోహెడ పోలీసులు మూడు గంటల్లోనే పట్టుకున్నారు. నిందితుడి వద్ద నుంచి రూ.28 వేల నగదును స్వాధీనం చేసుకున్నట్లు కోహెడ ఎస్సై అభిలాష్ తెలిపారు.
వివరాల్లోకి వెళితే. నాగసముద్రాల గ్రామానికి చెందిన కడారి లచ్చవ్వ ఇంటికి శనివారం ఉదయం 9 గంటల సమయంలో ఓ వ్యక్తి వచ్చాడు. మీ కుమారుడు రామచంద్రం పేరుపై ఉచిత గ్యాస్ కనెక్షన్ మంజూరైందని, అందుకోసం రూ.2,500 చెల్లించాలని నమ్మించి ఆమె నుంచి డబ్బులు తీసుకున్నాడు. అనంతరం ఇంట్లో ఉన్న గ్యాస్ కనెక్షన్‌ను అధికారులు తనిఖీ చేస్తారని, ఇంట్లోని వస్తువులను పరిశీలిస్తారని మాయమాటలు చెప్పాడు.ఈ క్రమంలో ఇంట్లోని బొడ్ల సంచిలో సుమారు రూ.27 వేల నగదు ఉందని గమనించిన నిందితుడు, ఆ సంచిని పీటపై పెట్టగానే దానిని తీసుకుని అక్కడి నుంచి పరారయ్యాడు. దీంతో బాధితురాలు, గ్రామస్తులు ఆందోళనకు గురయ్యారు. వెంటనే ఈ ఘటనపై పోలీసులకు సమాచారం అందించారు.సమాచారం అందుకున్న కోహెడ పోలీసులు ప్రత్యేక బృందం ( ఐడి పార్టీ  ) సహకారంతో రంగంలోకి దిగి. సుమారు మూడు గంటల్లోనే నిందితుడిని పట్టుకున్నారు. అతడి వద్ద నుంచి రూ.28 వేల నగదును స్వాధీనం చేసుకున్నట్లు ఎస్సై అభిలాష్ వెల్లడించారు.
త్వరితగతిన స్పందించి నిందితుడిని పట్టుకున్న కోహెడ పోలీసులకు నాగసముద్రాల గ్రామస్తులు కృతజ్ఞతలు తెలుపుతూ అభినందించారు. ప్రజలు అప్రమత్తంగా ఉండాలి. ఉచిత గ్యాస్ కనెక్షన్లు, ప్రభుత్వ పథకాల పేరుతో ఇంటికి వచ్చే గుర్తుతెలియని వ్యక్తులను నమ్మి డబ్బులు ఇవ్వవద్దని, ఇంట్లో నగదు, విలువైన వస్తువులు ఉన్న వివరాలను అపరిచితులకు వెల్లడించవద్దని ప్రజలు అప్రమత్తంగా ఉండాల్సిన అవసరం ఉంది. నిందితుని వివరాలు
పర్వతం రాజు తండ్రి రాములు, 33 సం. కులం బుడగ జంగాల 
గ్రామం రఘునాథపల్లి, జనగాం జిల్లా, 
గతంలో కూడా ఇతనిపై చుట్టుపక్కల జిల్లాలలో 15 కు పైగా కేసులు నమోదు కావడం అయినది మరియు ఇతనిపై రఘునాథపల్లి పోలీస్ స్టేషన్ నందు హిస్టరీ షీట్ కూడా కలదు. అనుమానాస్పద వ్యక్తులు కనిపిస్తే వెంటనే 112 ఫోన్ చేసి పోలీసులకు సమాచారం అందించాలని. ఎస్సై  అభిలాష్  కోరుతున్నారు