కరెంట్‌ చార్జీలు పెంచితే ఖబడ్దార్‌:బండారి శ్రీనివాస్ గౌడ్
ఘట్కేసర్, మేజర్ న్యూస్(అక్టోబర్, 06): ఇప్పటికే నిత్యావసరాల ధరల పెరుగుదలతో సామాన్య ప్రజలు ఆర్థిక ఇబ్బందులు పడుతుంటే విద్యుత్ చార్జీల పెంపుతో వారిపై మరింత భారం మోపడం సరికాదని ఘట్కేసర్ మండల మాజీ ఎంపీపీ, డివిజన్ బీఆర్‌ఎస్
అధ్యక్షుడు బండారి శ్రీనివాస్ గౌడ్ అన్నారు. గృహ వినియోగదారులు, రైతులు, చిన్న వ్యాపారులు, చిరు పరిశ్రమలపై పెంపు ప్రభావం తీవ్రంగా ఉంటుందని పేర్కొన్నారు. మంగళవారం ఓ ప్రకటనలో ఆయన మాట్లాడుతూ విద్యుత్ రంగంలోని ఆర్థిక సమస్యలకు వినియోగదారులపై భారం మోపడం కాకుండా ప్రత్యామ్నాయ మార్గాలను అన్వేషించాలని ప్రభుత్వాన్ని డిమాండ్ చేశారు. ప్రజల సంక్షేమాన్ని దృష్టిలో పెట్టుకుని విద్యుత్ చార్జీల పెంపు ప్రతిపాదనను వెంటనే ఉపసంహరించుకోవాలని కోరారు. ప్రభుత్వం వెనక్కి తగ్గకపోతే ప్రజలను సమీకరించి ఉద్యమాలు చేపడతామని బండారి శ్రీనివాస్ గౌడ్ హెచ్చరించారు.
గుర్రం రమేష్, ఘట్కేసర్ రిపోర్టర్, మేడ్చల్ జిల్లా.
