సూర్య,లింగంపేట్: లింగంపేట్ మండలం కన్నాపూర్ గ్రామస్తులు గ్రామంలో మద్యం విక్రయాలను అరికట్టేందుకు గ్రామ సర్పంచ్ సంజీవులు ఆధ్వర్యంలో కీలక నిర్ణయం తీసుకున్నారు.గ్రామంలో సమావేశం ఏర్పాటు చేసి మద్యం విక్రయాలు చేయ వద్దని కట్టు బట్లు విధించారు.గ్రామంలో మద్యం విక్రయాల వల్ల యువకులు,రైతులు, కూలీలు మద్యానికి అలవాటు పడి ఆర్థికంగా నష్టపోతున్నారని చర్చించారు. మద్యం ప్రభావంతో కుటుంబాలు ఇబ్బందులు ఎదుర్కొంటున్న నేపథ్యంలో గ్రామంలో మద్యం విక్రయాలను పూర్తిగా నిలిపివేయాలని నిర్ణయించారు.ఇకపై గ్రామంలో ఎవరైనా మద్యం విక్రయిస్తే రూ.50 వేల జరిమానా విధించాలని,అలాగే అక్రమంగా మద్యం విక్రయిస్తున్నట్లు సమాచారం ఇచ్చిన వ్యక్తికి రూ.5 వేల నజరానా అందించాలని ఏకగ్రీవంగా తీర్మానించారు.
