జిల్లా విద్యాశాఖాధికారి  కార్యాలయంలో బతుకమ్మ పండుగ వేడుకలు

హిమాయత్ నగర్ ,మేజర్ న్యూస్ :హైదరాబాద్‌లోని జిల్లా విద్యాశాఖాధికారి  కార్యాలయంలో టీజీఎన్‌జీవోస్ యూనియన్ హైదరాబాద్ అసోసియేట్ ప్రెసిడెంట్ మరియు టీజీఎన్‌జీవోస్ యూనియన్ స్కూల్ ఎడ్యుకేషన్ డిపార్ట్‌మెంట్ తెలంగాణ సెంట్రల్ ఫోరం అధ్యక్షులు కె.ఆర్. రాజ్‌కుమార్, కార్యదర్శి  ఎం.డి. ఫక్రుద్దీన్ అహ్మద్ ఆధ్వర్యంలో గురువారం ఉదయం దసరా నవరాత్రి ఉత్సవాల్లో భాగంగా శ్రీ మాతా లలితా త్రిపుర సుందరి దేవి పూజా కార్యక్రమం, బతుకమ్మ పండుగ వేడుకలు అత్యంత భక్తిశ్రద్ధలతో, ఉత్సాహభరితంగా నిర్వహించారు.ఈ కార్యక్రమానికి ముఖ్య అతిథులుగా టీజీఎన్‌జీవోస్ యూనియన్ కేంద్ర సంఘం అధ్యక్షులు  మారం జగదీశ్వర్ , కేంద్ర సంఘం ప్రధాన కార్యదర్శి డా. ఎస్.ఎం. హుస్సేని ముజీబ్ ,కేంద్ర సంఘం అసోసియేట్ ప్రెసిడెంట్  వెంకటేశ్  హాజరయ్యారు. డా. ఎస్.ఎం. హుస్సేని ముజీబ్ అన్న మాట్లాడుతూ, టీజీఎన్‌జీవోస్ యూనియన్ ఉద్యోగుల సమస్యల పరిష్కారానికి కృషి చేయడంతోపాటు ఉద్యోగులందరినీ ఒకే వేదికపైకి తీసుకువచ్చి పండుగలను ఐకమత్యంతో నిర్వహించడం అభినందనీయమని అన్నారు. బతుకమ్మ పండుగ తెలంగాణ ఆడపడుచుల ఆత్మగౌరవానికి, ప్రకృతి ప్రేమకు, సంప్రదాయాలకు ప్రతీక అని పేర్కొన్నారు. ఉద్యోగులందరూ పరస్పర స్నేహభావంతో, ఐక్యతతో ముందుకు సాగాలని ఆకాంక్షించారు.