జెల్ పల్లిలో నిమజ్జనం సంపూర్ణం

- రూ.2.65 లక్షలు పలికిన గణనాధుని లడ్డూ

జల్ పల్లి సర్కిల్ పరిధిలోని శ్రీ హనుమాన్ మందిరం వద్ద… శివ రామాంజనేయ యూత్ అసోసియేషన్ ఆధ్వర్యంలో ప్రతిష్ఠించిన గణనాథుడి నిమజ్జనోత్సవ వేడుకలు విజయవంతంగా ముగిసింది. ఈ సందర్భంగా ఏర్పాటుచేసిన గణేష్ లడ్డూ వేలం పాట భక్తిశ్రద్ధల మధ్య ఘనంగా జరిగింది. ఈ వేలంలో బీజేపీ నాయకులు పేరమోని నరేష్ యాదవ్ పాల్గొని స్వామివారి మహా ప్రసాదమైన లడ్డూను రూ. 2.65 లక్షలకు దక్కించుకున్నారు. అనంతరం స్వామివారికి ప్రత్యేక పూజలు నిర్వహించి, ఆశీర్వాదాలు పొందారు.
ఈ సందర్భంగా కమిటీ సభ్యులు, గ్రామ ప్రజలు నరేష్ యాదవ్ ను అభినందించి, లడ్డు ప్రసాదాన్ని అందజేసి శుభాకాంక్షలు తెలిపారు. వినాయక స్వామి కటాక్షంతో ప్రజలందరూ ఆయురారోగ్యాలు, ఐశ్వర్యాలతో ఉండాలని ఆయన ఆకాంక్షించారు. ఈ కార్యక్రమంలో వినాయక మండపం నిర్వాహకులు, భక్తులు, స్థానిక ప్రజలు పాల్గొన్నారు.

- అంకం జగన్ : మేజర్ న్యూస్, జెల్ పల్లి.