భగత్‌సింగ్‌ త్యాగం యువతకు స్ఫూర్తిదాయకం

సూర్య ప్రతినిధి, ఒంగోలు : 

 యువతలో దేశభక్తిని నింపి స్వాతంత్య్ర సంగ్రామంలో నవచైతన్యాన్ని నింపిన విప్లవవీరుడు భగత్‌సింగ్‌ అని టీడీపీ దర్శి నియోజకవర్గ ఇన్‌చార్జి డాక్టర్‌ గొట్టిపాటి లక్ష్మి అన్నారు. దేశ స్వాతంత్య్రం కోసం చిరుప్రాయంలోనే ప్రాణత్యాగం చేసి కోట్లాది మందికి స్ఫూర్తిగా నిలిచిన భగత్‌సింగ్‌ జయంతి సందర్భంగా ఆమె ఘన నివాళులు అర్పించారు. స్వాతంత్య్రం కోసం భగత్‌సింగ్‌ చేసిన త్యాగం, ఆయన చూపిన ధైర్యసాహసాలు దేశ యువతకు ఎల్లప్పుడూ స్ఫూర్తిదాయకమని ఆమె పేర్కొన్నారు. దేశం కోసం ప్రాణాలను సైతం లెక్కచేయకుండా పోరాడిన మహనీయుల ఆశయాలను నేటి తరం ఆదర్శంగా తీసుకోవాలని డాక్టర్‌ గొట్టిపాటి లక్ష్మి పిలుపునిచ్చారు.