ఈపీఎఫ్ఓ ఖాతాదారులకు గుడ్ న్యూస్.. ఇక నెలకు రూ.3,000 వరకు పిఎఫ్ జమ?

ఈపీఎఫ్ఓ ఖాతాదారులకు గుడ్ న్యూస్.. ఇక నెలకు రూ.3,000 వరకు పిఎఫ్ జమ?

నెల్లూరు, మేజర్ న్యూస్ :  ఉద్యోగుల భవిష్య నిధి (ఈపీఎఫ్) ఖాతాదారులకు సంబంధించిన కీలక ప్రతిపాదన తెరపైకి వచ్చింది. ప్రస్తుతం రూ.15,000గా ఉన్న పిఎఫ్ వేతన పరిమితిని రూ.25,000కు పెంచే ప్రతిపాదన ఉన్నట్లు సమాచారం.

ప్రస్తుతం ఉద్యోగి తన ప్రాథమిక వేతనంలో 12 శాతం చొప్పున గరిష్ఠంగా రూ.1,800 వరకు పిఎఫ్కు చెల్లిస్తున్నారు. వేతన పరిమితి రూ.25,000కు పెరిగితే ఈ గరిష్ఠ మొత్తం రూ.3,000కు చేరే అవకాశం ఉంది. యజమాని వాటా కూడా పెరిగే అవకాశం ఉంటుంది.

అయితే పిఎఫ్లో ఎక్కువ మొత్తం జమ కావడం వల్ల దీర్ఘకాలంలో ఉద్యోగుల పొదుపు పెరగవచ్చు. మరోవైపు, ఉద్యోగి వాటా పెరిగితే నెలవారీగా చేతికి వచ్చే జీతం కొంత తగ్గే అవకాశం ఉంది.

ఈ ప్రతిపాదనకు ఈపీఎఫ్ఓ కేంద్ర ట్రస్టీల బోర్డు (సిబిటి) ఆమోదం లభించిన తర్వాతే అమల్లోకి వచ్చే అవకాశం ఉంది. ఈ మార్పుతో సుమారు 51 లక్షల మంది అదనంగా పిఎఫ్ పరిధిలోకి వచ్చే అవకాశం ఉన్నట్లు సమాచారం.

గమనిక: ఇది ప్రతిపాదిత మార్పు మాత్రమే; అధికారికంగా అమల్లోకి వచ్చిన తర్వాతే ఖాతాదారులకు వర్తిస్తుంది.