రికార్డు ధర పలికిన గణపతి లడ్డూ

చౌటుప్పల్‌, మేజర్ న్యూస్:పట్టణంలోని శివాజీనగర్‌లో ఛత్రపతి యూత్‌ అసోసియేషన్‌ ఆధ్వర్యంలో నిర్వహించిన గణపతి నవరాత్రి ఉత్సవాల్లో భాగంగా శోభాయాత్ర నిర్వహించారు. ఈ సందర్భంగా నిర్వహించిన లడ్డూ వేలంలో బాల గంగాధర్‌ తిలక్‌ యూత్‌ అసోసియేషన్‌ సభ్యులు రూ.2,01,116కు లడ్డూను కైవసం చేసుకున్నారు. విజేతలకు పురపాలక చైర్‌పర్సన్‌ మొగుదాల పావని రమేష్‌గౌడ్‌ లడ్డూను అందజేశారు. కార్యక్రమంలో యూత్‌ సభ్యులు బొబ్బల రాజశేఖర్‌, మొగుదాల వెంకటేష్‌, దోర్నాల శివ, గంట నవీన్‌, పబ్బతి అశోక్‌, గుణమోని ఉపేందర్‌, పుస్కూరి మహేష్‌బాబు, సిరికొండ మల్లేష్‌, భువనగిరి శివ, బోడిగే భాను, గుణమోని లక్ష్మణ్, అమనగంటి సాయివంశీ, కొండా శశి, భీమానగోని బాలశివ, ఎంజాల శివప్రసాద్, మలిగే ఉదయ్ తదితరులు పాల్గొన్నారు.