telanagana
ఇంటిపై సోలార్.. విద్యుత్ బిల్లు ఆదా !
సూర్య, కాగజ్‌నగర్‌ : ప్రతి నెలా పెరుగుతున్న విద్యుత్ బిల్లుల భారాన్ని తగ్గించుకోవాలనుకునే గృహ వినియోగదారులకు రూఫ్‌టాప్‌ సోలార్ మంచి అవకాశమని కుమురంభీమ్‌ ఆసిఫాబాద్‌ విద్యుత్ సర్కిల్‌ సూపరింటెండింగ్‌ ఇంజనీర్‌ ఉత్తమ్‌ జాడే తెలిపారు. కేంద్ర ప్రభుత్వం అమలు చేస్తున్న పీఎం సూర్య ఘర్‌–ముఫ్త్‌ బిజ్లీ యోజన ద్వారా ఇంటి పైకప్పుపై సౌర విద్యుత్ ప్లాంట్లను ఏర్పాటు చేసుకుని, ప్రభుత్వ రాయితీలను పొందాలని ఆయన సూచించారు.
- బిల్లుల భారం తగ్గింపు : ఇంటి పైకప్పుపై సోలార్ ప్లాంట్ ఏర్పాటు చేసుకోవడం ద్వారా సూర్యరశ్మితో విద్యుత్‌ను ఉత్పత్తి చేసుకుని గృహ అవసరాలకు వినియోగించుకోవచ్చన్నారు. దీనివల్ల సాధారణ విద్యుత్ సరఫరాపై ఆధారపడటం తగ్గి, నెలవారీ బిల్లులో గణనీయమైన ఆదా పొందవచ్చని తెలిపారు. ఇంటి విద్యుత్ వినియోగం, సోలార్ ప్లాంట్ సామర్థ్యం, విద్యుత్ ఉత్పత్తి ఆధారంగా బిల్లు పూర్తిగా తగ్గే అవకాశం కూడా ఉంటుందని వివరించారు.
