ఇంటి తాళం పగలగొట్టి దొంగతనం:2 తులాల బంగారం, నగదు అపహరణ

​బషీరాబాద్, మేజర్ న్యూస్: ​ఇంటికి తాళం వేసి పొలానికి వెళ్లిన సమయాన్ని ఆసరాగా చేసుకుని గుర్తుతెలియని వ్యక్తులు దొంగతనానికి పాల్పడిన సంఘటన బషీరాబాద్ మండలంలోని బాద్లాపూర్ గ్రామంలో చోటుచేసుకుంది.
​బాధితురాలు మరియు పోలీసుల కథనం ప్రకారం... బాద్లాపూర్ గ్రామానికి చెందిన కంసనపల్లి కవిత (భర్త మైసప్ప) గురువారం (తేదీ: 15.10.2026) ఉదయం 11:00 గంటలకు తన ఇంటికి తాళం వేసి రోజువారీ పనుల నిమిత్తం పొలానికి వెళ్లారు. తిరిగి సాయంత్రం 6:00 గంటల ప్రాంతంలో ఇంటికి వచ్చి చూడగా, ఇంటి ప్రధాన ద్వారం తాళంతో పాటు బీరువా తాళం పగులగొట్టి ఉండడాన్ని గమనించి తీవ్ర దిగ్భ్రాంతికి గురయ్యారు.​బీరువాను పరిశీలించగా అందులో భద్రపరిచిన 2 తులాల బంగారు గుండ్లు, కమ్మలు, ముక్కుపుడకతో పాటు కొంత నగదు మాయమైనట్లు గుర్తించారు. బాధితురాలు కవిత వెంటనే స్థానిక పోలీసు స్టేషన్‌లో ఫిర్యాదు చేయగా, పోలీసులు కేసు నమోదు చేసుకున్నారు. ఈ ఘటనపై కేసు నమోదు చేసి దర్యాప్తు జరుపుతున్నట్లు స్థానిక పోలీసులు తెలిపారు.