దూల్మిట్ట చెక్ డ్యాం మరమ్మతులకు చర్యలు

మద్దూరు......దూల్మిట్ట మండల కేంద్రంలోని చెక్ డ్యాం మరమ్మతులకు చర్యలు తీసుకుంటున్నట్లు ఇరిగేషన్ డీఈ శ్యామ్ తెలిపారు. శనివారం చెక్ డ్యాంను ఇరిగేషన్ అధికారులు సందర్శించి, మరమ్మతుల కోసం సర్వే నిర్వహించారు. ఈ సందర్భంగా డీఈ మాట్లాడుతూ వర్షాలకు చెక్ డ్యాంతో పాటు కాజ్వే దెబ్బతిన్నట్లు తెలిపారు. దెబ్బతిన్న కాజ్వే, చెక్ డ్యాం మరమ్మతుల కోసం క్షేత్రస్థాయిలో సర్వేను నిర్వహించి, డిజైన్ రూపొందించనున్నట్లు తెలిపారు. డిజైను అనుగుణంగా ప్రతిపాదనలు తయారు చేసి ప్రభుత్వానికి నివేదించనున్నట్లు తెలిపారు. గతంలో లింగాపూర్ చెక్ డ్యాం మరమ్మతుల కోసం రూ. 5.5కోట్ల నిధులకు ప్రతిపాదనలు పంపినట్లు తెలిపారు. ప్రభుత్వం నిధులు మంజూరు చేసిన వెంటనే దూల్మిట్ట, లింగాపూర్ చెక్ డ్యాంలకు మరమ్మత్తులు  చేపట్టనున్నట్లు వివరించారు. కార్యక్రమంలో ఇరిగేషన్ ఏఈ నజియాఅఫ్రోజ్, గ్రామ సర్పంచ్ గునుకుల లీలాజగన్మోహన్ రెడ్డి, గ్రామ రైతులు, ఇరిగేషన్ సిబ్బంది పాల్గొన్నారు.