telanagana
దివ్యాంగుడికి ఉచితంగా మూడు చక్రాల(యాక్టివా) వాహనం అందజేసిన స్పీకర్ గడ్డం ప్రసాద్ కుమార్, మున్సిపల్ చైర్‌పర్సన్ గడ్డం అనన్య
వికారాబాద్ జిల్లా ప్రతినిధి, మేజర్ న్యూస్: దివ్యాంగుల సంక్షేమానికి అండగా నిలుస్తూ తెలంగాణ శాసనసభాపతి, వికారాబాద్ ఎమ్మెల్యే గడ్డం ప్రసాద్ కుమార్, వికారాబాద్ మున్సిపల్ చైర్‌పర్సన్ గడ్డం అనన్య మానవతా దృక్పథంతో ముందుకొచ్చారు. వికారాబాద్ పట్టణంలోని అనంతగిరిపల్లికి చెందిన దివ్యాంగుడు పరమటి పెంటయ్యకు ఉచితంగా మూడు చక్రాల వాహనాన్ని అందజేశారు.గురువారం వికారాబాద్‌లోని ఎమ్మెల్యే క్యాంపు కార్యాలయంలో GYYAK ట్రస్ట్ ద్వారా ఈ వాహనాన్ని అందించారు. వాహనం అందుకున్న పెంటయ్య స్పీకర్ గడ్డం ప్రసాద్ కుమార్, మున్సిపల్ చైర్‌పర్సన్ గడ్డం అనన్యకు కృతజ్ఞతలు తెలిపారు.ఈ సందర్భంగా స్పీకర్ గడ్డం ప్రసాద్ కుమార్ మాట్లాడుతూ.... పేదలు, దివ్యాంగుల సంక్షేమానికి తాను ఎల్లప్పుడూ అండగా ఉంటానని భరోసా ఇచ్చారు. అవసరంలో ఉన్నవారికి సహాయం అందించడం ద్వారా వారి జీవితాల్లో మార్పు తీసుకురావచ్చని పేర్కొన్నారు.ఈ కార్యక్రమంలో వికారాబాద్ మున్సిపల్ కౌన్సిలర్లు, పార్టీ సీనియర్ నాయకులు, కార్యకర్తలు పెద్ద సంఖ్యలో పాల్గొన్నారు.
