జగిత్యాల జిల్లా మల్లాపూర్ మండలంలో బీఆర్ఎస్ పార్టీ పరిస్థితి రోజురోజుకీ డీలా పడుతుందని చర్చ జోరుగా సాగుతోంది. గతంలో కదం తొక్కిన పార్టీ ఇప్పుడు కార్యకర్తలకు దూరమవుతోందని సొంత కేడరే ఆవేదన వ్యక్తం చేస్తోంది. మండలంలో పార్టీ కార్యక్రమాలు నామమాత్రంగా మారాయని, ప్రజా సమస్యలపై నాయకత్వం స్పందించడం లేదని కింది స్థాయి నాయకులు అంటున్నారు. ప్రస్తుత నాయకత్వం వల్ల పార్టీ బలహీనపడుతోందని యువకులకు, సీనియర్లకు సమన్వయం కుదిర్చే కొత్త నాయకుడు వస్తేనే పార్టీకి పూర్వ వైభవం వస్తుందేమోనని ఎదురు చూస్తున్నారు. ఏళ్ల తరబడి ఒక్కరే మండల నాయకత్వం వహించడంతో కార్యకర్తలకు తగిన గుర్తింపు ఇవ్వడం లేదని కార్యక్రమాలు కూడా అనుకున్న స్థాయికి చేరుకోలేదని చర్చలు కొనసాగుతున్నాయి. సీఎం కేసీఆర్ పై చేసిన అనుచిత వ్యాఖ్యలు ఖండిస్తూ మండల కేంద్రానికి చెందిన నాయకులు స్పందించి ఫిర్యాదు చేయడం. మండల నాయకత్వం వహించే నాయకుడు బాధ్యత వహించకపోవడంతో పార్టీని కాపాడుకోవాలంటే నాయకత్వ మార్పు అనివార్యమని శ్రేణులు బహిరంగంగానే చెబుతున్నాయి. పార్టీ లో విభేదాలు తలెత్తకుండా ఏకతాటిపై కార్యకర్తలు నడవడానికి అధిష్టానం ఎ విధమైన చర్యలు తీసుకుంటుందోనని బిఆర్ఎస్ నాయకులు ఎదురు చూస్తున్నారు.
