మీ ఆడపడుచును గెలిపించండి.. ఎమ్మెల్యే కందికుంట.. 40 వార్డు కౌన్సిలర్ అభ్యర్థి జానకమ్మకు మద్దతుగా ఎమ్మెల్యే ప్రచారం

నిత్యం మీతో పాటు ఉంటున్న మీ ఆడప డుచును కౌన్సిలర్ గా గెలిపిస్తే.. మీకు అండగా ఉండడం తోపాటు మీ సమస్యలను తన దృష్టికి తీసుకువచ్చి పరిష్కారానికి కృషి చేస్తారని 40 వ వార్డు ప్రజలకు ఎమ్మెల్యే కందికుంట వెంకటప్రసాద్ సూచించారు. ఆదివారం 40వ వార్డులో కౌన్సిలర్ అభ్యర్థి నాగే జానకమ్మ ప్రచార కార్యక్రమంలో ఎమ్మెల్యే కందికుంట వెంకటప్రసాద్ ముఖ్య అతిథిగా పాల్గొన్నారు. సందర్భంగా ఎమ్మెల్యే కందికుంట వెంకటప్రసాద్ వార్డు పరిధిలో పర్యటిస్తూ 40 వార్డు టిడిపి కౌన్సిలర్ అభ్యర్థి జానకమ్మ సైకిల్ గుర్తుపై ఓటు వేసి గెలిపించాలని ఓటర్లకు కరపత్రాలు అందజేశారు. వార్డులో ప్రతి సమస్య పరిష్కారం కోసం కౌన్సిలర్ అభ్యర్థి చేస్తారని, అలాగే వార్డు అభివృద్ధి కోసం తాను సైతం నిధులు మంజూరు చేసి మౌలిక సదుపాయాల కల్పనకు గురి చేస్తానని ఎమ్మెల్యే కందికుంట వెంకటప్రసాద్ ఓటర్లకు తెలియజేశారు. ప్రతి వార్డు అభివృద్ధి చెందా లన్న ఆశయంతో వెళ్తున్నామని ఓటర్లు ఈ విషయాన్ని గమనించి సైకిల్ గుర్తుపై ఓటు వేసి జానకమ్మను, మరోఓటును చైర్మన్ అభ్యర్థికి వేసి గెలిపించాలని కోరారు.  ఈ కార్యక్రమంలో టిడిపి నాయకులు నాగే నరసింహులు, కార్యకర్తలు, అభిమానులు, మహిళలు ఉన్నారు.