బేల మీదుగానే రైల్వే లైన్ నిర్మించాలి.

సూర్య బేల : ఆదిలాబాద్ నుంచి జైనథ్,బేల మీదుగా గడ్ చందూర్ వరకు రైల్వే లైన్ నిర్మించాలనే డిమాండ్‌తో యువజన కాంగ్రెస్ ఆదిలాబాద్ అసెంబ్లీ ఉపాధ్యక్షుడు సామ రూపేష్‌ రెడ్డి పోస్ట్‌కార్డు ఉద్యమానికి శ్రీకారం చుట్టారు. బుధవారం ప్రభుత్వ జూనియర్ కళాశాల విద్యార్థులతో పోస్ట్‌కార్డులు  రాయించి కార్యక్రమాన్ని ప్రారంభించారు ఈ సందర్భంగా మాట్లాడుతూ ఈ రైల్వే లైన్ నిర్మాణం జరిగితే బేల,జైనథ్ బోరజ్ మండలాలతో పాటు ఆదిలాబాద్ పరిసర ప్రాంతాల ప్రజలకు రవాణా సౌకర్యం మెరుగుపడటంతోపాటు విద్య,వైద్యం,వ్యాపార రంగాలకు ప్రయోజనం చేకూరుతుందనీ పేర్కొన్నారు. ఈ కార్యక్రమంలో కాంగ్రెస్ పార్టీ మండల అధ్యక్షుడు రూప్ రావు, మండల సర్పంచుల సంఘం అధ్యక్షుడు అశోక్ పటేల్,  సర్పంచ్ గోడే అవినాష్  మేకల జితేందర్, నయన్,నవనీత్ తదితరులు ఉన్నారు.