బయ్యారం మండల రెడ్డి జాగృతి అధ్యక్షుడిగా నాయిని శ్రీనివాస్ రెడ్డి
బయ్యారం, మేజర్ న్యూస్, బయ్యారం మండలంలో రెడ్డి జాగృతి సంఘం మరింత పటిష్టత కోసం నూతనవర్గ నియామకాలు జోరుగా సాగుతున్నాయి.ఇందులో భాగంగానే బయ్యారం మండల రెడ్డి జాగృతి అధ్యక్షుడిగా నాయిని శ్రీనివాస్ రెడ్డిని అధికారికంగా నియమించారు.
ఈ సందర్భంగా ఏర్పాటు చేసిన ప్రత్యేక కార్యక్రమంలో రెడ్డి జాగృతి జాతీయ అధ్యక్షులు ఎడ్ల ఉప్పల్ రెడ్డి మహబూబాబాద్ జిల్లా రెడ్డి జాగృతి అధ్యక్షులు నరసాని సురేందర్ రెడ్డి ముఖ్య అతిథులుగా విచ్చేసి నాయిని శ్రీనివాస్ రెడ్డికి నియామక పత్రాన్ని అందజేశారు.నూతన అధ్యక్షుడిగా బాధ్యతలు చేపట్టిన శ్రీనివాస్ రెడ్డిని నాయకులు ఘనంగా సత్కరించి, శుభాకాంక్షలు తెలిపారు.ఈ కార్యక్రమంలో కాసం ఉప్పల్ రెడ్డితో పాటు పలువురు ముఖ్య నాయకులు, తదితరులు పెద్ద సంఖ్యలో పాల్గొని ఈ కార్యక్రమాన్ని విజయవంతం చేశారు. సంఘం బలోపేతానికి,రెడ్డి వర్గీయుల సంక్షేమం కోసం అందరూ ఐక్యంగా కృషి చేయాలని ఈ సందర్భంగా వక్తలు పిలుపునిచ్చారు.
రిపోర్టర్ :స్వామి, బయ్యారం, మహబూబాబాద్ జిల్లా
