అమీన్పూర్ శోభాయాత్రకు ముఖ్య అతిథిగా హరీష్ రావుఆహ్వానించిన తుమ్మల పాండురంగారెడ్డి

అమీన్ పూర్;అమీన్ పూర్ పెద్ద చెరువు వద్ద ఈనెల 22న అమ్మవారి శోభాయాత్ర అత్యంత వైభవంగా నిర్వహించనున్నారు. ఈ ఆధ్యాత్మిక వేడుకకు ముఖ్యఅతిథిగా హాజరు కావాల్సిందిగా మాజీ మంత్రి హరీష్ రావు ను నిర్వాహకులు ప్రముఖ నాయకులు తుమ్మల పాండురంగారెడ్డి స్వయంగా ఆహ్వానించారు. ఈ శోభాయాత్రను విజయవంతం చేసేందుకు స్థానిక భక్తులు మరియు నిర్వాహకులు అన్ని ఏర్పాట్లు పూర్తి చేశారు. భారీ సంఖ్యలో భక్తులు తరలివచ్చి అమ్మవారి కృపకు పాత్రులు కావాలని కోరారు. ఈ సందర్భంగా పాండురంగారెడ్డి మాట్లాడుతూ.. అమీన్పూర్ పెద్ద చెరువు పరిసర ప్రాంతాల్లో భక్తిశ్రద్ధలు వెల్లివెరిసెల అమ్మవారి శోభాయాత్రను ఎంతో కనుల పండుగ నిర్వహిస్తున్నామని తెలిపారు. కులమత రాజకీయ వివాదాలకు అతీతంగా ప్రజలంతా ఈ శోభాయాత్రలో పాల్గొని విజయవంతం చేయాలని ఆయన పిలుపునిచ్చారు. మన ప్రాంతంపై ఎంతో అభిమానంతో ఆహ్వానాన్ని మన్నించి హాజరవుతున్న మాజీ మంత్రి హరీష్ రావుకి ప్రత్యేక కృతజ్ఞతలు తెలియజేశారు. అమీన్పూర్ ప్రజలందరికీ అమ్మవారి దివ్య ఆశీస్సులు లభించి నియోజకవర్గ సుభిక్షంగా ఆయురారోగ్యాలతో వర్ధిల్లాలని ఆయన పేర్కొన్నారు.