అక్రమ ర్యాంపులు తొలగింపు రోడ్డు వెడల్పు పనులకు ప్రజలు సహకరించాలి-సర్పంచ్ తోగరి భూషణ్

సూర్య, మాక్లూర్ :ఆలూర్ మండలం రాంచంద్రపల్లి గ్రామ అభివృద్ధిలో భాగంగా రోడ్డు వెడల్పు పనులను చేపడుతున్నట్లు సర్పంచ్ తోగరి భూషణ్ తెలిపారు.ఈ సందర్బంగా సర్పంచ్ మాట్లాడుతూ..రోడ్లపై, డ్రైనేజీ కాలువలపై నిర్మించిన గోడలు, ఇతర నిర్మాణాలను తొలగించి, నూతన డ్రైనేజీ కాలువల  పనులు చేపడుతున్నట్లు పేర్కొన్నారు.గ్రామ ప్రజలు రోడ్డు వెడల్పు పనులకు సహకరించాలని సర్పంచ్, గ్రామపంచాయతీ పాలకవర్గం విజ్ఞప్తి చేశారు. గ్రామంలో రహదారులు విస్తరించి, నూతన డ్రైనేజీ కాలువలు నిర్మితమైతే రాకపోకలకు సౌకర్యం కలగడంతో పాటు మురుగునీటి సమస్యకు పరిష్కారం లభిస్తుందని తెలిపారు.ఈ కార్యక్రమం లో వార్డ్ సభ్యులు, గ్రామ ప్రజలు పాల్గొన్నారు.