నోటీసులు అందుకున్నవారు బీఎల్వోలను కలవాల్సిన అవసరం లేదు
ఢిల్లీ: ప్రత్యేక ఓటర్ల జాబితా సవరణపై కేంద్ర ఎన్నికల సంఘం కీలక నిర్ణయం తీసుకుంది. ప్రధాన ఎన్నికల కమిషనర్ జ్ఞానేశ్ కుమార్తో పాటు ఎన్నికల కమిషనర్లు ఎస్.ఎస్. సంధు, వివేక్ జోషి సమావేశంలో పాల్గొన్నారు.
ప్రత్యేక సమగ్ర సవరణ ప్రక్రియలో నోటీసులు అందుకున్న ఓటర్లు ఇకపై తప్పనిసరిగా బూత్ స్థాయి అధికారులను కలవాల్సిన అవసరం లేదని సీఈసీ స్పష్టం చేసినట్లు సమాచారం. బీఎల్వోలే ఓటర్ల ఇళ్లకు వెళ్లి అవసరమైన వివరాలు, పత్రాలను సేకరిస్తారు.
అలాగే ఓటర్లు సమర్పించే పత్రాలను బీఎల్వోలే ఆన్లైన్లో అప్లోడ్ చేస్తారని ఎన్నికల సంఘం తెలిపింది. ప్రత్యేక సమగ్ర సవరణలో బీఎల్వోలు ఇంటింటికీ వెళ్లి ఫారాల పంపిణీ, సేకరణ, ధ్రువీకరణ చేపట్టే విధానం ఇప్పటికే ఎన్నికల సంఘం మార్గదర్శకాల్లో ఉంది.
నోటీసులు అందుకున్న ఓటర్లకు ప్రక్రియను సులభతరం చేయడమే ఈ నిర్ణయం ఉద్దేశంగా కనిపిస్తోంది. ప్రస్తుతం ప్రత్యేక సమగ్ర సవరణపై పలు రాష్ట్రాల్లో ప్రక్రియ కొనసాగుతోంది.
