national
దక్షిణ అండమాన్ సముద్రంలో ఉపరితల ఆవర్తనం
విశాఖపట్నం: దక్షిణ అండమాన్ సముద్రంలో ఎల్లుండి ఉపరితల ఆవర్తనం ఏర్పడనుందని అమరావతి వాతావరణ కేంద్రం వెల్లడించింది. ఇది క్రమంగా బలం పుంజుకుని, ఈ నెల 13వ తేదీ నాటికి ఆగ్నేయ బంగాళాఖాతంలో అల్పపీడనంగా రూపాంతరం చెందే అవకాశం ఉందని అధికారులు తెలిపారు. అనంతరం ఇది పశ్చిమ-వాయువ్య దిశగా పయనిస్తూ వాయుగుండంగా బలపడే సూచనలు ఉన్నట్లు పేర్కొన్నారు. దీని ప్రభావంతో కోస్తాంధ్ర, రాయలసీమలతో పాటు తమిళనాడు తీర ప్రాంతాల్లో ఈ నెల 15 నుంచి వర్షాలు పెరిగే అవకాశం ఉందని, సముద్రం అలజడిగా ఉండేందున మత్స్యకారులు వేటకు వెళ్లకూడదని వాతావరణ శాఖ హెచ్చరించింది.
