సూర్యని పొగడ్తల్లో ముంచెత్తిన నటి నజ్రియా నాజిమ్

కోలీవుడ్ నటి నజ్రియా నాజిమ్ దాదాపు పన్నెండు సంవత్సరాల విరామం తర్వాత తమిళ తెరపైకి మళ్లీ అడుగుపెడుతున్నారు. దర్శకుడు జీతు మాధవన్ తెరకెక్కిస్తున్న తాజా చిత్రం 'సీన్' (Scene) ద్వారా ఆమె రీఎంట్రీ ఇస్తుండగా, ఈ ప్రాజెక్ట్‌లో భాగం కావడం పట్ల ఆమె తన ఆనందాన్ని వ్యక్తం చేశారు. ఈ చిత్రంలో ప్రముఖ నటుడు సూర్య ప్రధాన పాత్రలో నటిస్తున్నారు.

దుబాయ్‌లో జరిగిన సినిమా ప్రమోషనల్ కార్యక్రమంలో నజ్రియా మాట్లాడుతూ, తనపై నమ్మకం ఉంచి ఈ అవకాశాన్ని ఇచ్చిన దర్శకుడు జీతు మాధవ్‌కు ప్రత్యేక కృతజ్ఞతలు తెలిపారు. తన కెరీర్‌లో ఈ చిత్రంలో పనిచేయడం అత్యంత అద్భుతమైన అనుభవాలలో ఒకటిగా నిలిచిందని ఆమె కొనియాడారు.

ఈ సినిమాలో నటిస్తున్న సహనటుడు సూర్యతో పాటు ఇతర బృందం తనకు ఎంతో సహకారం అందించారని నజ్రియా తెలిపారు. నవంబర్ 6న ప్రేక్షకుల ముందుకు రానున్న ఈ చిత్రాన్ని ప్రతి ఒక్కరూ థియేటర్లలో చూడాలని ఆమె కోరారు.

 భారీ విజయాన్ని సాధించిన చిత్రాలను రూపొందించిన జీతు మాధవన్ దర్శకత్వంలో తెరకెక్కుతున్న ఈ 'సీన్' చిత్రంపై భారీ అంచనాలు నెలకొన్నాయి. అలాగే ఈ సినిమా ద్వారా ప్రముఖ సంగీత దర్శకుడు సుశిన్ శ్యామ్ తమిళ చిత్రసీమలోకి అడుగుపెడుతుండటంతో, సూర్య అభిమానులతో పాటు తమిళ సినీ ప్రియులు ఈ చిత్రాన్ని వెండితెరపై చూడటానికి ఎంతో ఆసక్తిగా ఎదురుచూస్తున్నారు.