రెబల్ స్టార్ ప్రభాస్ 'ఫౌజీ' మూవీ నుండి పవర్‌ఫుల్ 'ఫైల్ నంబర్ 25' గ్లింప్స్ విడుదల
సూర్య ఎంటర్‌టైన్‌మెంట్ డెస్క్: పాన్ ఇండియా రెబల్ స్టార్ ప్రభాస్ హీరోగా టాలెంటెడ్ డైరెక్టర్ హను రాఘవపూడి దర్శకత్వంలో తెరకెక్కుతున్న మోస్ట్ అవేటెడ్ పీరియడ్ యాక్షన్ డ్రామా 'ఫౌజీ'. మైత్రీ మూవీ మేకర్స్ బ్యానర్‌పై నవీన్ యెర్నేని, వై. రవిశంకర్ అత్యంత భారీ బడ్జెట్‌తో నిర్మిస్తున్న ఈ ప్రతిష్టాత్మక చిత్రానికి సంబంధించి మేకర్స్ తాజాగా ఒక అప్‌డేట్‌తో ప్రేక్షకుల ముందుకు వచ్చారు. ప్రభాస్ పుట్టినరోజు సందర్భంగా చిత్ర యూనిట్ 'ఫైల్ నంబర్ 25' పేరుతో విడుదల చేసిన పవర్‌ఫుల్ హిస్టారికల్ గ్లింప్స్ ప్రస్తుతం సోషల్ మీడియాలో రికార్డులు సృష్టిస్తూ ట్రెండింగ్‌లో నిలిచింది.
ఇంతకుముందెన్నడూ చూడని సరికొత్త పాత్రలో ప్రభాస్ కనిపించబోతున్న ఈ చిత్రంలో దేశభక్తి, యాక్షన్ భావోద్వేగాలు ప్రధానాంశాలుగా ఉండనున్నట్లు గ్లింప్స్ ద్వారా స్పష్టమవుతోంది. చారిత్రక నేపథ్యంతో సాగే ఈ కథలో బ్రిటిషర్లను వణికించే ఒక శక్తివంతమైన పాత్రలో ప్రభాస్ నటిస్తున్నట్లు తెలుస్తోంది. చిత్రంలో ప్రతి సన్నివేశం అత్యున్నత నిర్మాణ విలువలతో, భారీ సెట్లతో హను రాఘవపూడి అత్యద్భుతంగా తీర్చిదిద్దుతున్నట్లు మేకర్స్ తెలిపారు. ఇప్పటికే విడుదలైన పోస్టర్లు సినిమాపై భారీ అంచనాలను పెంచగా, తాజాగా వచ్చిన ఈ గ్లింప్స్ ఆ అంచనాలను మరింత రెట్టింపు చేసింది.
ఈ చిత్రంలో ప్రభాస్ సరసన నటిస్తున్న నూతన నటీనటులు అలాగే ఇతర కీలక సాంకేతిక నిపుణుల వివరాలు త్వరలోనే అధికారికంగా వెల్లడించనున్నారు. టీ-సిరీస్ సమర్పణలో భూషణ్ కుమార్ సహకారంతో రూపుదిద్దుకుంటున్న ఈ భారీ పాన్ ఇండియా ప్రాజెక్ట్ కోసం రెబల్ స్టార్ అభిమానులు అత్యంత ఆసక్తిగా ఎదురుచూస్తున్నారు. త్వరలోనే తదుపరి షెడ్యూల్ షూటింగ్ ప్రారంభించి సినిమాను వేగంగా పూర్తి చేసేందుకు చిత్ర యూనిట్ సన్నాహాలు చేస్తోంది.
