కిరణ్ అబ్బవరం 'రియాలిటీ' చిత్రం నుంచి 'భజగోవిందం' సాంగ్ ప్రోమో విడుదల.. ఆకట్టుకుంటున్న లిరిక్స్!
సూర్య ఎంటర్‌టైన్‌మెంట్ డెస్క్: టాలీవుడ్ యువ హీరో కిరణ్ అబ్బవరం తొలిసారిగా మెగాఫోన్ పట్టుకుని స్వయంగా దర్శకత్వం వహిస్తున్న మోస్ట్ అవేటెడ్ మిడిల్ క్లాస్ ఫ్యామిలీ డ్రామా చిత్రం రియాలిటీ. ఈ చిత్రంలో దేవిక భట్ హీరోయిన్‌గా నటిస్తుండగా, ట్రెండింగ్ మ్యూజిక్ డైరెక్టర్ భీమ్స్ సిసిరోలియో సంగీతం అందిస్తున్నారు. ఇప్పటికే సినిమాపై భారీ అంచనాలు నెలకొనగా, క్రిస్మస్ కానుకగా డిసెంబర్ 25వ తేదీన ఈ చిత్రాన్ని ప్రేక్షకుల ముందుకు తీసుకురావడానికి మేకర్స్ సన్నాహాలు చేస్తున్నారు. ఈ నేపథ్యంలో సినిమాపై హైప్ మరింత పెంచేలా చిత్ర యూనిట్ తాజాగా రియాలిటీ చిత్రం నుంచి భజగోవిందం అంటూ సాగే తొలి లిరికల్ సాంగ్ ప్రోమోను విడుదల చేసింది.
టైటిల్‌కు తగట్టుగానే ఈ పాటలోని సాహిత్ మరియు భావాలు ప్రతి ఒక్కరిని ఆలోచింపజేసేలా ఉన్నాయని చెప్పవచ్చు. ఉన్నంతలో మనకు ఉన్నంతలో బతికితే అదే సుఖము, ఎవరికి తలవంచకుండా మన కాళ్లపై మనం నిలబడే గుణమే వరము అంటూ సాగే అర్థవంతమైన చరణాలు శ్రోతలను ఇన్‌స్టంట్‌గా కట్టిపడేస్తున్నాయి. సాధారణ మధ్యతరగతి కుటుంబాల జీవన శైలి, చిన్న చిన్న సంతోషాలు, అనుబంధాలు మరియు కష్టసుఖాలను ప్రతిబింబించేలా ఈ గీతం సాగుతుందని ప్రోమో స్పష్టం చేస్తోంది. భీమ్స్ అందించిన ఫోక్-రూటెడ్ సంగీతం ఈ పాటకు అదనపు ఆకర్షణగా నిలిచింది.
ఈ పాటలోని విజువల్స్ మరియు క్యాచీ లిరిక్స్ చూసిన ప్రేక్షకులు నిజంగా ఇదే కదా బతకడమంటే అంటూ సోషల్ మీడియా వేదికగా ప్రశంసల వర్షం కురిపిస్తున్నారు. సినిమాపై అంచనాలను తారాస్థాయికి చేర్చిన ఈ పూర్తి పాటను అక్టోబర్ 22న విడుదల చేయనున్నట్లు చిత్ర బృందం అధికారికంగా ప్రకటించింది. హీరోగా తనకంటూ ప్రత్యేక గుర్తింపు తెచ్చుకున్న కిరణ్ అబ్బవరం ఈసార డైరెక్టర్‌గా కూడా ఏ స్థాయి విజయాన్ని అందుకుంటారనే దానిపై టాలీవుడ్‌లో సర్వత్రా ఆసక్తి నెలకొంది. ఫ్యామిలీ ఆడియన్స్‌ను కచ్చితంగా అలరించే అన్ని హంగులతో ఈ రియాలిటీ చిత్రం బాక్సాఫీస్ వద్ద విజయం సాధిస్తుందని సినీ విశ్లేషకులు భావిస్తున్నారు.
