andhrapradesh
విశాఖ రైల్వేస్టేషన్లో డిజిటల్ కియోస్క్ ప్రారంభం
విశాఖపట్నం: విశాఖ రైల్వేస్టేషన్లో డిజిటల్ ఈ-ఫిర్యాదుల కియోస్క్ను హోంమంత్రి అనిత ప్రారంభించారు. పోలీస్స్టేషన్కు వెళ్లాల్సిన అవసరం లేకుండానే ప్రయాణికులు తమ ఫిర్యాదులను నమోదు చేసుకునే అవకాశం ఈ కియోస్క్ ద్వారా కల్పించారు.
ఈ-ఫిర్యాదుల కియోస్క్ను ప్రజా ఫిర్యాదుల పరిష్కార వ్యవస్థ (PGRS)తో అనుసంధానం చేశారు. దీంతో ప్రయాణికులు నమోదు చేసే ఫిర్యాదులను సంబంధిత అధికారులకు చేరవేసి, వాటి పరిష్కార ప్రక్రియను సులభతరం చేయనున్నారు.
రైల్వే ప్రయాణికుల భద్రతకు ప్రభుత్వం అధిక ప్రాధాన్యత ఇస్తోందని హోంమంత్రి అనిత తెలిపారు. సాంకేతిక పరిజ్ఞానాన్ని వినియోగించి ప్రయాణికులకు మరింత వేగవంతమైన, సులభమైన ఫిర్యాదు పరిష్కార సేవలను అందించేందుకు చర్యలు తీసుకుంటున్నామని పేర్కొన్నారు.
