విడిపోతే పడిపోతాం-కలిసి నడిస్తే నిలబడతాం! కార్యకర్తలకు దొన్నుదొర దిశానిర్దేశం

అరకులోయ, అక్టోబర్ 9, మేజర్ న్యూస్:  విడిపోతే పడిపోతామని కలిసి ఉంటేనే నిలబడతామన్న విషయాన్ని ప్రతి ఒక్కరూ మనసులో పెట్టుకోవాలని పార్టీ గెలుపు కోసం ఐక్యంగా కృషి చేయాలని తెలుగుదేశం పార్టీ నాయకులు,కార్యకర్తలకు ఆ పార్టీ అరకు నియోజకవర్గ ఇన్చార్జి,ఏపీఎస్ ఆర్టీసీ విజయనగరం ప్రాంతీయ జోన్ చైర్మన్ డాక్టర్ సియ్యారి.దొన్నుదొర పేర్కొన్నారు.అరకులోయ లోని తన క్యాంపు కార్యాలయంలో రాష్ట్ర జి సి సి చైర్మన్,మాజీమంత్రి కిడారి.శ్రావణ్ కుమార్ తో కలిసి శుక్రవారం పార్టీ క్యాడర్ తో సమావేశమయ్యారు.ఈ కార్యక్రమాన్ని ఉద్దేశించి దొన్నుదొర మాట్లాడుతూ అంత ఐక్యంగా ఉంటే విజయం అత్యంత సులువుగా ఉంటుందని, అవతలి వాళ్ళ మాటలు విని విడిపోతే మనం పడిపోతామని ఆయన అన్నారు.అంతా కలిసి నడిస్తేనే నిలబడతామన్న విషయం ప్రతి ఒక్కరూ గుర్తుంచుకోవాలన్నారు. ఎంతమంది అభ్యర్థులు ఉంటే అంత మంది పేర్లు అధిష్టానానికి పంపించేంత వరకే తమ ప్రమేయం ఉంటుందని అభ్యర్థులు ఎంపిక మాత్రం అధిష్టానం చూసుకుంటుందని ఎవరకి టికెట్ వచ్చినా మనకే టికెట్ వచ్చిందన్న భావనతో పనిచేసి ఆ అభ్యర్థి గెలుపునకు కృషి చేయాలని ఆయన పిలుపునిచ్చారు. మనం ఏం చేస్తున్నామో లోకేష్ గారికి తెలుస్తుందని అందువలన క్రమశిక్షణతో పార్టీ గెలుపు కోసం ప్రతి ఒక్కరూ పనిచేయాలన్నారు.మనం చేస్తున్నది ఎవరికీ తెలియదు అని అపోలో ఎవరు ఉండదని పార్టీ నేరుగా మనల్ని వాచ్ చేస్తుందని విషయాన్ని గమనించాలన్నారు. అవకాశం వచ్చిన వాళ్ళ ఆహ్వానిద్దామని,రాని వారికి భవిష్యత్తులో కచ్చితంగా అవకాశం వస్తుందని ఆశాభావంతో పనిచేయాలని ఆయన సూచించారు.మీకు టికెట్ ఇవ్వకపోయినా కమిటెడ్ గా పార్టీ కోసం పనిచేస్తున్నందుకు ఖచ్చితంగా అవకాశం వెతుక్కుంటూ మీకు వస్తుందన్నారు.ప్రతి పంచాయతీలోనూ ప్రతి జడ్పిటిసి,ఎంపిటిసి స్థానాలను మనమే గెలిచి తీరాలని ఆయన చెప్పారు. ఈ ఎన్నికల్లో కూటమి ధర్మాన్ని విస్మరించకూడదన్నారు. అధిష్టానం ఆదేశాలను పాటించాల్సిందేనని హుకుం జారీ చేశారు.