వెన్నెలపాలెంలో కన్నులపండుగ గా శ్రీ దుర్గాదేవి విగ్రహ ప్రతిష్ఠాపన

పరవాడ మండలం వెన్నెలపాలెం గ్రామంలోని స్థానిక రామాలయం ప్రాంగణంలో శ్రీ దుర్గాదేవి విగ్రహ ప్రతిష్ఠాపన మహోత్సవం ఆదివారం అత్యంత భక్తిశ్రద్ధలతో, కన్నులపండువగా జరిగింది. శరన్నవరాత్రి ఉత్సవాల్లో భాగంగా తొలిరోజున నిర్వహించిన ఈ పూజా కార్యక్రమాల్లో భక్తులు పెద్ద ఎత్తున పాల్గొని అమ్మవారిని దర్శించుకున్నారు.
​ఈ దివ్య మహోత్సవానికి మాడుగుల ఎమ్మెల్యే బండారు సత్యనారాయణమూర్తి, ఆయన సతీమణి మాధవి లత ముఖ్య అతిథులుగా హాజరయ్యారు. మండప ప్రాంగణంలో వేదపండితుల మంత్రోచ్ఛారణల నడుమ అమ్మవారికి బండారు దంపతులు ప్రత్యేక కుంకుమ పూజలు,అర్చనలు నిర్వహించారు.
​ఈ సందర్భంగా ఎమ్మెల్యే బండారు మాట్లాడుతూ మహిమాన్విత శక్తి స్వరూపిణి అయిన శ్రీ దుర్గామాత దివ్య ఆశీస్సులతో ప్రజలందరికీ ఆయురారోగ్యాలు, విజయాలు కలగాలని ఆకాంక్షించారు.సకల శుభాలు సిద్ధించి,గ్రామం ఎల్లప్పుడూ సుభిక్షంగా ఉండాలని అమ్మవారిని ప్రార్థించినట్లు తెలిపారు.
​ఆలయంలో ప్రతిష్ఠించిన దుర్గాదేవి విగ్రహాన్ని బండారు అయ్యప్పల నాయుడు విరాళంగా అందజేశారు.విగ్రహ ప్రతిష్ఠాపన రోజున జరిగిన వైదిక పూజా కార్యక్రమాల ఖర్చులతో పాటు, ఉత్సవంలో పాల్గొన్న సుమారు 300 మంది భక్తులకు అయ్యప్పల నాయుడు సొంత ఆర్థిక సహాయంతో మహా అన్నసమారాధన కార్యక్రమాన్ని వైభవంగా నిర్వహించారు.
​ఈ కార్యక్రమంలో మాజీ ఉప సర్పంచ్ వెన్నెల ఏకుల అప్పారావు,మాజీ ఎంపీటీసీ పైల రథాల సన్యాసిరావు,పైల జూనియర్ అప్పలనాయుడు,లోకిరెడ్డి సన్యాసినాయుడు (అభి),వెన్నెల గిరి, పైల ప్రసాద్,బోజంకి నాయుడు,గొంప మారునాయుడు,వాసిరెడ్డి ఈశ్వర్రావు, బండారు వీరునాయుడు, బండారు గణేష్,గోపి కనకరాజు తదితర టీడీపీ నాయకులు, భవానీ మాలధారులు, మహిళలు మరియు స్థానిక గ్రామ ప్రజలు పెద్ద సంఖ్యలో పాల్గొన్నారు.

రవికుమార్ 

ఎన్డీపీ సూర్య ప్రతినిధి