వెల్దుర్తిలో రేపు విద్యుత్‌ సరఫరాలో అంతరాయం

వెల్దుర్తి, సూర్య ప్రతినిధి మేజర్ న్యూస్:  మండలంలోని విద్యుత్‌ లైన్లు, సబ్‌స్టేషన్ల నెలవారీ నిర్వహణ పనుల కారణంగా రేపు (రెండో శనివారం) పలు గ్రామాల్లో విద్యుత్‌ సరఫరా నిలిపివేస్తున్నట్లు విద్యుత్‌ శాఖ సహాయ కార్యనిర్వాహక ఇంజినీర్‌ (ఏఈఈ) ఒక ప్రకటనలో తెలిపారు.వెల్దుర్తి, కలుగొట్ల, రామళ్లకోట సబ్‌స్టేషన్ల పరిధిలో ఉదయం 9.00 గంటల నుంచి మధ్యాహ్నం 1.00 గంట వరకు విద్యుత్ సరఫరా ఉండదని పేర్కొన్నారు.వ్యవసాయ ఉచిత విద్యుత్ సమయాల్లో మార్పులు:సబ్‌స్టేషన్ల నిర్వహణ దృష్ట్యా వ్యవసాయ వినియోగదారులకు త్రీఫేస్‌ విద్యుత్‌ సరఫరా వేళల్లో మార్పులు చేసినట్లు వెల్లడించారు. అన్ని ఫీడర్లకు ఉదయం 5.00 గంటల నుంచి 9.00 గంటల వరకు, తిరిగి మధ్యాహ్నం 1.00 గంట నుంచి సాయంత్రం 6.00 గంటల వరకు త్రీఫేస్ విద్యుత్ సరఫరా అందిస్తామన్నారు. ఈ అంతరాయానికి వినియోగదారులు, రైతులు సహకరించాలని కోరారు.

సూర్య ప్రతినిధి షేక్ దస్తగిరి కర్నూలు జిల్లా వెల్దుర్తి మండలం