andhrapradesh
వక్కపువ్వులతో మూలవిరాట్ల అలంకరణ..
( అనంతపురం మేజర్ న్యూస్ ప్రతినిధి)
అనంతపురం అశోక్ నగర్‌లోని శ్రీ రమా సమేత సత్యనారాయణ స్వామి దేవాలయంలో శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా ఆలయంలోని మూలవిరాట్ విగ్రహాలను వక్కపువ్వులతో సుందరంగా అలంకరించారు. ఉత్సవ విగ్రహాలకు ఇంద్రాణి దేవి అలంకరణ చేసి గరుడసేవ నిర్వహించారు. ప్రత్యేక అలంకరణల్లో స్వామివారు భక్తులకు దర్శనమివ్వడంతో భక్తులు పరవశించారు.
ఈ సందర్భంగా ఆలయ కమిటీ అధ్యక్షుడు అంబటి ఫణి రాజు, కార్యనిర్వాహక అధ్యక్షుడు తిరువీధుల జగదీష్ కుమార్, ప్రధాన కార్యదర్శి భూపాలం కిషోర్, కార్యదర్శులు జయం సుబ్రహ్మణ్య ప్రకాష్, బయనగారి బద్రి ఉత్సవ ఏర్పాట్లను పర్యవేక్షించారు. ప్రత్యేక పూజా కార్యక్రమాల అనంతరం భక్తులకు తీర్థప్రసాదాలు పంపిణీ చేశారు. శరన్నవరాత్రి ఉత్సవాల నేపథ్యంలో ఆలయంలో నెలకొన్న ఆధ్యాత్మిక, భక్తిభావ వాతావరణం భక్తులను విశేషంగా ఆకట్టుకుంది.
