వైసిపిని బలోపేతం చెయ్యండి.. ఎర్రకోట

నందవరం మండలంలో పార్టీ బలోపేతంపై కీలక చర్చలు

నందవరం, సెప్టెంబర్ 25: నందవరం మండలం ముగతి గ్రామంలో ఎంపీపీ విరుపాక్షి రెడ్డిని వైఎస్సార్ కాంగ్రెస్ పార్టీ ఎమ్మిగనూరు నియోజకవర్గ ఇన్‌చార్జి ఎర్రకోట రాజీవ్ రెడ్డి గౌరవప్రదంగా కలిసి ఆత్మీయంగా చర్చించారు.

ఈ సందర్భంగా నందవరం మండలంలో పార్టీని మరింత బలోపేతం చేయడం, గ్రామస్థాయిలో పార్టీ శ్రేణులను సమన్వయం చేయడం, కార్యకర్తలకు అండగా నిలవడం వంటి అంశాలపై ఇరువురు నాయకులు చర్చించారు. అలాగే రాబోయే స్థానిక సంస్థల ఎన్నికలను దృష్టిలో ఉంచుకుని మండలంలో చేపట్టాల్సిన భవిష్యత్ కార్యాచరణ, ప్రస్తుత రాజకీయ పరిస్థితులు, పార్టీ శ్రేణుల సన్నద్ధత తదితర అంశాలపై సమాలోచనలు జరిపారు.

గ్రామస్థాయి నుంచి పార్టీని మరింత పటిష్టం చేస్తూ, కార్యకర్తలతో సమన్వయంతో ముందుకు సాగాలని రాజీవ్ రెడ్డి సూచించారు. నందవరం మండలంలో పార్టీ బలోపేతానికి సమష్టిగా కృషి చేయాలని ఇరువురు నాయకులు నిర్ణయించారు.