జాషువా జయంతిని జయప్రదం చేద్దాం

అనంతపురం బ్యూరో : మహాకవి గుర్రం జాషువా 131వ జయంతి కార్యక్రమాన్ని జాషువా సాహిత్య పీఠం ఆధ్వర్యంలో సెప్టెంబర్ 28న నిర్వహించనున్నట్లు నిర్వాహకులు తెలిపారు. ఉదయం 10 గంటలకు ప్రభుత్వ డిగ్రీ కళాశాల ప్రధాన గేటు ఎదురుగా ఉన్న జాషువా విగ్రహానికి పుష్పమాలలంకరణ, 11 గంటలకు ప్రభుత్వ ఒకేషనల్ జూనియర్ కళాశాల మీటింగ్ హాల్‌లో జాషువా సాహిత్యంపై సదస్సు నిర్వహించనున్నారు. అనంతరం వ్యాసరచన, వక్తృత్వ పోటీల్లో విజేతలైన విద్యార్థులకు బహుమతులు అందజేయనున్నారు. కవులు, మేధావులు, సాహితీ సంస్థల ప్రతినిధులు, విద్యార్థులు, జాషువా సాహిత్య అభిమానులు హాజరై కార్యక్రమాన్ని విజయవంతం చేయాలని జాషువా సాహిత్య పీఠం గౌరవ అధ్యక్షులు పూల నాగరాజు, నిర్వాహకులు హెచ్. నాగలింగయ్య, డాక్టర్ నానీల నాగేంద్ర, తోట నాగరాజు కోరారు. ఈ సందర్భంగా జాషువా 131వ జయంతి ఆహ్వాన పత్రికను ఆవిష్కరించారు. ‘గబ్బిలం’, ‘పిరదౌసి’, ‘క్రీస్తు చరిత్ర’, ‘ముంతాజ్ మహల్’ తదితర రచనల ద్వారా తెలుగు సాహిత్యంలో జాషువా విశిష్ట స్థానం సంపాదించుకున్నారని నిర్వాహకులు పేర్కొన్నారు.