వైసీపీ నేతల వ్యాఖ్యలపై జనసేన నేతల ఫైర్ -తప్పుడు ప్రచారం మానుకోవాలని హెచ్చరిక

 పి.గన్నవరం మేజర్ న్యూస్ :వైసీపీ నేతల అసత్య ప్రచారాలు మానుకోవాలని, లేకుంటే తగిన రీతిలో బుద్ధి చెబుతామని జనసేన నాయకులు హెచ్చరించారు. పి.గన్నవరం నియోజకవర్గంలో వైసీపీ నాయకులు చేస్తున్న దుష్ప్రచారాలపై జనసేన నాయకులు తీవ్రంగా మండిపడ్డారు. స్థానిక ముంగంపాలెంలో బుధవారం ఏర్పాటు చేసిన విలేకరుల సమావేశంలో జనసేన నేతలు కుడుపూడి ఏడుకొండలు, మల్లవరపు వెంకన్న, మట్టపర్తి సూర్యనారాయణ, ఉందుర్తి ఏసుబాబు మాట్లాడారు. పవన్ కళ్యాణ్ ఆశయాలకు, ఎమ్మెల్యే గిడ్డి సత్యనారాయణ చేస్తున్న అభివృద్ధికి ఆకర్షితులై తాము జనసేనలో చేరామని స్పష్టం చేశారు. గతంలో ఇతర పార్టీల నేతలతో కలిసి పనిచేసిన వారే ఇప్పుడు తమపై బురదజల్ల  సరికాదన్నారు.వైసీపీ నేత గన్నవరపు శ్రీనివాసరావుకు ధైర్యముంటే గ్రామశాఖ నాయకులతో ముంగండపాలెం రావాలని, గ్రామంలో ఎవరికి బలం ఉందో తేల్చుకుందామని సవాల్ విసిరారు. ఇకనైనా మీడియా ముందు తప్పుడు ప్రకటనలు మానుకోవాలని హెచ్చరించారు.