వార్డు అభివృద్ధి కోసం సైకిల్  గుర్తుకు ఓటువేసి గెలిపించండి .. ఇంటింటా ప్రచారంలో 10వ వార్డు టిడిపి కౌన్సిలర్ అభ్యర్థి షేక్ షరిపున్ తాజ్

 

కదిరి టౌన్, మేజర్ న్యూస్ :

కదిరి మున్సిపల్ పరిధిలోని 10 వార్డు సమగ్ర అభివృద్ధి కోసం సైకిల్ గుర్తుకు ఓటువేసి గెలిపించాలని.. 10 వార్డు తెలుగుదేశం పార్టీ  కౌన్సిలర్ అభ్యర్థి షేక్ షరిపున్ తాజ్, ఎస్. రిజ్వాన్ లు కోరారు. ప్రచార కార్యక్రమంలో భాగంగా వార్డుల్లోని వీధుల్లో మంగళవారం ప్రచారాన్ని నిర్వహించారు. వార్డులోని తెలుగు దేశం పార్టీ నాయకులు ,అభి మానులు పెద్ద ఎత్తున తరలివచ్చి.. పసుపు జెండాలను చేతబట్టి ప్రచార కార్యక్రమంలో పాల్గొనడం జరిగింది. ఇంటింటికి వెళ్లి సైకిల్ గుర్తుకు ఓటు వేసి తనను అఖండ మెజార్టీతో గెలిపించాలని కౌన్సిలర్ అభ్యర్థి షేక్ షరిపున్ తాజ్ ఓటర్లకు అభ్య ర్థించడం జరిగింది.  తాను కౌన్సిలర్ గా ఎన్నికైతే వార్డులో నెలకొన్న సమస్యల పరిష్కారం కోసం కృషి చేస్తానన్నారు. ప్రధానంగా సిసి రోడ్లు, తాగునీరు, వీధి దీపాలు, డ్రైనే జీల ఏర్పాటు, ఇతర సమస్యలపై దృష్టిసారించి పరిష్కారానికి చర్యలు చేపడతానన్నారు. అలాగే ప్రభుత్వం అమలు చేస్తున్న ప్రతి సంక్షేమ పథకాన్ని ప్రతి కుటుంబానికి వర్తింపజేసేలా కృషి చేస్తానని తెలియ జేశారు. నవంబర్ 1న జరిగే ఎన్నికల పోలింగ్లో సైకిల్ గుర్తుకు ఓటు వేసి తనను కౌన్సిలర్ గా గెలిపించాలని, మరో ఓటును చైర్మన్ అభ్యర్థి అర్షియా భాను సైకిల్ గుర్తుపై ఓటువేసి గెలిపించాలని ఓటర్లను అభ్యర్థించారు. ఈ కార్యక్రమంలో టిడిపి నాయకులు అభిమానులు  అధిక సంఖ్యలో ఉన్నారు.