ఉక్కపోతకు బ్రేక్.. ఏపీకి కూల్ న్యూస్.. ఈ ప్రాంతాల్లో వర్షాలు

ఆంధ్ర ప్రదేశ్‌లో ఎండలు దంచికొడుతున్నాయి. కొన్ని ప్రాంతాల్లో వేడి, ఉక్కబోతతో ప్రజలు అల్లాడుతున్నారు. ఈ సమయంలో భారత వాతావరణ శాఖ ఒక కూల్ న్యూస్ చెప్పింది.రాగల మూడు రోజుల పాటు వర్షాలు పడనున్నాయి. దీని ప్రకారం ఉరుములు, మెరుపులతో పాటు గంటకు 30 నుంచి 40 కిలో మీటర్ల వేగంతో బలమైన ఈదురుగాలులు కూడా వీచే ఛాన్స్ ఉంది. తమిళనాడు, కేరళ రాష్ట్రాల మీదుగా అరేబియా సముద్రం వరకు ఆకాశంలో మేఘాలు, గాలులతో కూడిన ద్రోణి ఏర్పడింది. కర్ణాటక వైపు ఉన్న మరో ఉపరితల ఆవర్తనం కూడా ఈ ద్రోణిలో విలీనమైంది. ఈ ప్రభావంతో ఆంధ్రప్రదేశ్, యానాం పరిసర ప్రాంతాల్లో వానలు పడనున్నాయి.