తెలకల వీధిలో వినాయక దర్శనం, అన్నసమారాధనలో పాల్గొన్న టిడిపి యువనాయకురాలు సిరమ్మ

విజయనగరం టౌన్, సెప్టెంబరు 28, మేజర్ న్యూస్:
నగరపాలక సంస్థ పరిధిలోని గౌడు వీధి సమీపంలో ఉన్న తెలకల వీధి రామాలయం వద్ద కోదండ రామాలయ యూత్ ఆధ్వర్యంలో వినాయక ఉత్సవాలు ఘనంగా జరుగుతున్నాయి. ఈ ఉత్సవాల్లో భాగంగా సోమవారం ఏర్పాటు చేసిన అన్నసమారాధన కార్యక్రమం అత్యంత వైభవంగా నిర్వహించబడింది.
కోదండ రామాలయ కమిటీ సభ్యుల ప్రత్యేక ఆహ్వానం మేరకు, ఉమ్మడి విజయనగరం జిల్లా పరిషత్ మాజీ చైర్‌పర్సన్, తెలుగుదేశం పార్టీ సీనియర్ నాయకులు మజ్జి శ్రీనివాసరావు (చిన్న శ్రీను) కుమార్తె, టిడిపి యువనాయకురాలు మరియు 'చిన్న శ్రీను సోల్జర్స్' అధ్యక్షురాలు సిరమ్మ ముఖ్య అతిథిగా హాజరయ్యారు.
ముందుగా ఆమె స్వామివారిని దర్శించుకుని ప్రత్యేక పూజలు నిర్వహించారు. అనంతరం కమిటీ సభ్యులతో కలిసి భక్తులకు అన్నప్రసాద వితరణ గావించారు.
ఈ కార్యక్రమంలో స్థానిక ప్రజాప్రతినిధులు, తెలకల వీధి కోదండ రామాలయ యూత్ సభ్యులు, 'చిన్న శ్రీను సోల్జర్స్' ఉపాధ్యక్షులు తోట వాసు, చిన్న శ్రీను సోల్జర్స్ ప్రతినిధులు మరియు పెద్ద సంఖ్యలో భక్తులు పాల్గొన్నారు.