మహిళల భద్రతే ధ్యేయం.. శక్తి యాప్పై విస్తృత అవగాహన
మహిళల భద్రతే ధ్యేయం.. శక్తి యాప్పై విస్తృత అవగాహన
జిల్లా వ్యాప్తంగా క్షేత్రస్థాయిలో శక్తి బృందాల ప్రచారం
మహిళల భద్రతకు అత్యధిక ప్రాధాన్యం ఇస్తున్న జిల్లా పోలీసు శాఖ, ఆపదలో ఉన్న మహిళలకు తక్షణ రక్షణ అందించే **‘శక్తి యాప్’**పై విస్తృత అవగాహన కార్యక్రమాలను నిర్వహించింది.జిల్లా ఎస్పీ పి. జగదీష్ ఆదేశాల మేరకు సోమవారం అన్ని పోలీస్ స్టేషన్ల పరిధిలో మహిళా పోలీసులు, శక్తి బృందాలు క్షేత్రస్థాయిలో పర్యటించి మహిళలు, యువతులకు యాప్ వినియోగంపై అవగాహన కల్పించారు.బస్టాండ్లు, రైల్వే స్టేషన్లు, కళాశాలలు, రద్దీ మార్కెట్ ప్రాంతాల్లో ప్రత్యక్ష ప్రదర్శనలు నిర్వహించి, స్మార్ట్ఫోన్లో శక్తి యాప్ను డౌన్లోడ్ చేసుకునే విధానం, అత్యవసర సమయంలో SOS బటన్ ద్వారా పోలీసులకు సమాచారం అందించే ప్రక్రియను వివరించారు.ఈ సందర్భంగా ఎస్పీ మాట్లాడుతూ.. మహిళల రక్షణ, భద్రతకు పోలీసు శాఖ అత్యంత ప్రాధాన్యం ఇస్తోందని, ఆపద సమయంలో శక్తి యాప్ ద్వారా సమాచారం అందితే సమీపంలోని పోలీసు పెట్రోలింగ్ వాహనాలు, శక్తి బృందాలు తక్షణమే స్పందించేలా చర్యలు తీసుకుంటున్నామని తెలిపారు.మహిళలు, విద్యార్థినులు భయపడకుండా శక్తి యాప్ను తమ ఫోన్లలో ఇన్స్టాల్ చేసుకోవాలని, అపరిచితుల వేధింపులు లేదా ప్రమాదకర పరిస్థితులు ఎదురైనప్పుడు వెంటనే యాప్ సేవలను వినియోగించుకోవాలని శక్తి బృందాల పోలీసులు సూచించారు.
ఏటీపీ ఆర్టీసీ బస్టాండ్ లో మహిళలకు అవగాహన కల్పిస్తున్న పోలీసులు
