సేంద్రియ వ్యవసాయంపై రైతులకు అవగాహన

మండలంలోని మన్మరి గ్రామంలో వెల్‌స్పన్ ఫౌండేషన్ సహకారంతో జనవికాస్ గ్రామీణ అభివృద్ధి సంస్థ ఆధ్వర్యంలో రైతులకు సేంద్రియ వ్యవసాయంపై అవగాహన సదస్సు నిర్వహించారు. సేంద్రియ వ్యవసాయ నిపుణులు జి. శ్రీకాంత్ జీవామృతం, బీజామృతం, నీమాస్త్రం, దశపర్ణి కషాయం తయారీ, వినియోగంపై రైతులకు వివరించారు. నేల ఆరోగ్యం పెంపు, సాగు ఖర్చుల తగ్గింపు, సేంద్రియ ఉత్పత్తులకు మెరుగైన మార్కెట్ అవకాశాలపై అవగాహన కల్పించారు. కార్యక్రమంలో ఉపసర్పంచ్ శంకరయ్య, వార్డు సభ్యులు, పాఠశాల ప్రధానోపాధ్యాయులు బసప్ప, జేవి ఆర్డీఎస్ సీఈవో సంపత్ కుమార్, కోఆర్డినేటర్ రామకృష్ణ, గ్రామ ప్రజా ప్రతినిధులు, రైతులు పాల్గొన్నారు.

- జానంపేట శివరాజ్ : మేజర్ న్యూస్, షాబాద్.