జియోఫిజిక్స్ విభాగానికి చెందిన పూర్వ విద్యార్థులు సహకారం

విశాఖ ఎడ్యుకేషన్,సెప్టెంబర్ 29 మేజర్ న్యూస్ : జియోఫిజిక్స్ (2005-2008), ఏం ఎస్ సీ మెరైన్ జియోఫిజిక్స్ (2005-2007)   హైడ్రాలజీ (2005-2007) పూర్వ విద్యార్థులు (ఆలుమ్ని) విభాగానికి చెందిన విద్యార్థుల బోధనా సౌకర్యార్థం అధునాతన హంగులతో కూడిన ఇంటరాక్టివ్ ఫ్లాట్ ప్యానెల్ డిస్ప్లే స్మార్ట్ బోర్డును విరాళంగా అందించారు.
పూర్వ విద్యార్థులందరి తరఫున, జియోఫిజిక్స్ విభాగ అధిపతి  డాక్టర్ బి. ఆనంద గజపతి రాజు  సౌజన్యంతో, డాక్టర్ కె. రవిచంద్ర గెస్ట్ ఫ్యాకల్టీ, జియోఫిజిక్స్ విభాగం  ఈ స్మార్ట్ బోర్డును అందజేశారు. ఈ విషయాన్ని పూర్వ విద్యార్థుల తరఫున విశ్వవిద్యాలయ  విసి  ప్రొఫెసర్ జి. పి. రాజశేఖర్, రిజిస్ట్రార్ ప్రొఫెసర్ కె. రాంబాబు  తెలియజేశారు.
ఈ సందర్భంగా  విసి  ఎంతో సంతోషం వ్యక్తం చేస్తూ, జియోఫిజిక్స్ విభాగానికి స్మార్ట్ బోర్డును విరాళంగా అందించిన పూర్వ విద్యార్థులకు ధన్యవాదాలు తెలిపారు.  విసి  ని కలిసిన ఈ కార్యక్రమంలో విభాగంలోని ఇతర అధ్యాపకులు కూడా పాల్గొన్నారు.